东张西望｜再有死者家属指控明爱医院：好似去送死咁

《东张西望》一连两晚报导明爱医院因人手不足而确诊入院嘅老人家受苦，继昨晚观众陈先生认为医院延误救治后，今日播出嘅《东张》，观众王先生嘅爸爸二月底时，因确诊而由老人院被送往明爱医院。“三点几喺急症室门口，我晚上六点几去到佢仲喺门口，我家姐翌日去睇发现佢哋系无派饭，因为爸爸不能自行进食，所以我家姐要返屋企拎粥喂佢，因为佢哋除咗派氧气就咩都唔比。”王先生表示有工作人员向佢表示会派饭，但直到深夜都冇人理会爸爸。其后爸爸虽然终于可以上房，但情况愈来愈差，而王先生当时亦同意再恶化嘅时候唔会帮爸爸插喉或急救。“等待时间我觉得系令佢严重，你起码有个医生嚟睇下佢， 上唔到病房都好，可以比啲药佢，但除咗氧气就咩都唔比。我知道佢哋好忙，但忙之中都有嘢可以做到， 但佢哋冇尽力，有种感觉唔去医院仲好过去，去到等送死，连好返机会都系零。”

王爸爸最终离世，他认为医院需要负责任，而王先生嘅姐姐喺急症室门口陪伴爸爸期间，亦见到其他确诊者冇人理会嘅情况，由她提供的照片所见，一名婆婆躺在地上：“呢个婆婆我见到佢差不多跌，同医护讲，但啲人望一望就行咗去，转头佢就跌落地。”王小姐表示自己无能力去扶起婆婆，直指情况系“阴功”

对于死者家属嘅指控，明爱医院喺回复时表示：“本院对病人离世感到难过，并向家属致以深切慰问。”明爱医院同时表示第五波疫情严峻，公立医院严重超出负荷，但医护人员仍坚守岗位，希望公众及病人家属谅解。