陈庭欣女性好友鹦鹉疑被男友残杀　发文闹冇人性：咩人先做得出?

上周四（3日）大埔发生一单残杀动物案件。一名女设计师报案指其单位内饲养的一只鹦鹉被醉酒男友掟落地惨死，警方接报到场，同日下午于沙田拘捕叶姓本地男子助查。同样爱雀之人的陈庭欣得悉事件之后感到非常愤怒，于社交平台发文谴责凶手冷血冇人性：“琴日我收到朋友嘅小鹦鹉突然离世的消息，令到我感到非常愕然。知道个事发过程后, 我非常愤怒，同时非常痛心！呢啲咁残酷虐待小动物嘅情境真系唔应该出现！！！ 睇番电梯内CCTV片段，佢当小鹦鹉系个波咁，拳打脚踢致死，依啲系咩人先做得出。我朋友同小鹦鹉生活超过10年，感情犹如亲人一样。我非常担心我朋友，因为佢要面对这一切，希望大家可以畀多啲正能量支持佢。无论点我哋都唔应该伤害小动物，希望大家好好爱护小动物，唔好容忍任何残酷虐待动物的事情发生，施虐者亦都应要得到相应的罪罚。”