飞虎3｜陈滢大赞黄宗泽Sweet　叹唔够瘦难用替身：呢个身形得我有

由苗侨伟、黄宗泽（Bosco）、吴卓羲（Ron）、张兆辉、马德钟等主演的剧集《飞虎3壮志英雄》正在热播，剧中女主演陈滢（Jeannie）、蔡思贝、姚子羚早前接受TVB娱乐新闻台节目《Star Talk》访问，与主持王镇泉大谈拍摄时的辛酸及趣事。剧中Jeannie与Bosco有感情线，更有一场床戏，但原来今次不是他们首度演情侣：“冇咩人知，𠮶时仲系超级新人，第二套戏就系同佢演情侣，相隔咁多年之后再同佢演情侣，感觉好唔一样，𠮶阵真系好细个、好green，行位、灯光咩都唔知，而家有咗几年经验，等佢唔使觉得我仲𡃁妹仔咁！”

而蔡思贝、姚子羚就与Ron有感情线，姚子羚与Ron对上一次合作是2005年的《酒店风云》，加上两人本身老友鬼鬼，所以今次合作一点都不陌生：“佢都冇乜点改变，当然有成熟咗啦，但佢都系大细路，好钟意整蛊造怪同万岁请大家食饭，同佢再合作有一份默契同开心。”子羚又笑言因为与Ron太老友的关系，所以拍感情戏时其实很辛苦。至于思贝就谈到剧中多次请Ron食柠檬，她笑言其实有苦衷：“因为呢个女仔非常冇安全感，觉得Ron个角色吊儿郎当，要经过好多考验先觉得依赖得过，最后先接受佢。”

剧中枪战连场，Jeannie透露事前还用了一整天学开枪：“比我想像中难，睇戏时觉得单手开枪好潇洒，但其实好难，因为支枪嘅扳机好硬，开枪唔眨眼又系非常之难。”她又指因为是第一次拍开枪戏，所以不知道要戴耳塞自我保护，Bosco见状竟即场送赠她两个耳塞：“佢准备咗啲肉色耳塞，因为冇咁易穿崩，𠮶吓真系好sweet，所以平时点恰我都由佢啦！”而思贝就笑言拍枪战拍到惯晒：“我自己就算戴咗耳塞，啲响声都系好入耳，会Feel到耳膜有震动。”对她来说最难忘的就是商场枪战场口：“因为喺室内，个回音好犀利，耳仔真系嗡嗡声，仲要个个四方八面咁开枪！”

而讲到拍摄最辛苦的场口，Jeannie就认为是潜入豪宅一幕，除了因为戏服非常性感之外，还因为很多动作场口都要亲自上阵，她更暗踩自己偏肥：“我呢个身形得我自己有，因为通常替身都好瘦，所以唔得呀，好多动作自己做返！最深刻系要着住好高嘅高踭鞋，仲要好快咁跑两条街。大家都叫我唔好跌，如果扭亲就唔知点算，我惟有搏老命咁跑得好快，好彩最后冇扭亲，真系好唔容易！”

身为视后的思贝就坦言拍摄动作场面让她感到挫败：“佢哋要求我做得干净俐落，但我每日都觉得好惭愧，觉得自己做得唔好、做唔到。”不过由于有很好的拍摄团队Back Up，令她留下不少难忘拍摄回忆：“好似商场场戏，要短跑100米冲过去，之后要打筋斗，再起返身对住上面射枪，个摄影师系揸住部摄影机陪我跑，好好玩成件事，好似打机咁！”而子羚就对绑架戏最难忘，谈到Ron在剧中英雄救美，她就大赞：“子乐（吴卓羲饰演角色）喺套剧入面系正嘅！”今次子羚更与郭晋安继《与敌同行》后再续兄妹情：“隔咗咁多年之后，我见到佢都系叫阿哥，到依家再合作返，变得更加亲切，真系好似我哥哥咁。”