C AllStar陈健安确诊IG持续更新病况：唯一高兴系全身皮肤好咗

本港第五波疫情肆虐，娱乐圈最终宣告失守，先后多名艺人确诊染疫。而男子组合C AllStar成员陈健安（On仔）在2月17日于个人社交平台透露自己确诊新冠肺炎，连日来写下个人出现症状先后次序，以及如何舒缓病况。昨日安记亦不忘在IG限时动态分享病况，并写道：“中招唯一高兴系，全身皮肤好咗，头五日主要都系食糙米粥同埋烚菜，即系等于斋戒咁，然后一日至少瞓15个钟以上，乜嘢都修复晒好滑，一次还晒新年啲年糕萝卜糕债，仲清减埋”，并展示靓仔样俾大家睇，真系滑过豆腐。