方力申狂赞陈滢皮肤好、够爽朗　讲唔出冯盈盈优点︰谂唔到

艺人陈敏之近来邀请方力申（小方）到YouTube频道节目《Chi Chat》做嘉宾，小方自从跟邓丽欣分手后虽然绯闻多多，包括有冯盈盈和陈滢等，但似乎真命天女仍未出现，他在访问中讲到林盛斌（阿Bob）为他做红娘的故事，竟然令他好却步？

方力申讲到自己的花名是“肥仔”、“小方”和“万刀甲”。而被问到绯闻女友的陈滢的3个优点，他不用多想就答到，分别是英文好、皮肤好和爽朗够义气，因为他跟陈滢熟一点，而另一个绯闻女友冯盈盈，他就讲笑说“谂唔到”。

小方之前曾自爆自己有玩过交友app，当时他更被封锁了两日，因为有人投诉，所以要他验证才解封。最后他也将app删除，事关后来又要他再验证，他觉得太麻烦，他又说︰“同埋玩咗10个月都有啦，课金都课咗咁耐。要畀会费，男仔要畀钱㗎，要畀月费。”他表示自己不敢约人见面，“我发觉我都系唔敢约人出嚟，所以就不如唔好玩啦。”他觉得在app入面可以看不到同的人，他是出于好奇成份居多。

讲到圈中有“金牌媒人”之称的阿Bob，小方笑言“唔敢问佢”，他解释︰“因为佢啲sell嘅技俩硬得济。我试过一次兜口兜面食一餐饭，女artist嚟，佢（阿Bob）就会问我‘方力申啱唔啱啊？笋盘嚟㗎，佢（该名女艺人）钟意你㖞！’我就喺佢对面咋嘛，（阿Bob说）‘你得就得㗎啦！’佢咁样㖞！（敏之︰真系好尴尬啊！）所以我发觉原来外面啲人成日都传我呢，系佢搞出嚟！”

又试过一次阿Bob介绍过另一个身材好的女人给小方认识，但小方表示︰“太好啦，我比唔上佢系咪先？我又唔系一个好好身材嘅人。”敏之就问他在找女朋友方面是否要求很高，他即说︰“我唔玩女人㗎嘛，所以我要求好高㗎！”他强调即使对方“几靓都好”，都要看看二人的沟通和价值观，更要想想自己心入面有没有常常挂住这个人。

小方表示如果找女朋友，对方是圈内或圈外都没有所谓。但他在感情方面一向好低调，不会放闪，即使是以前跟圈内人拍拖都好低调，“都系好多年之后先会有人知，所以之前都系地下情，同助手、同事去玩都系一班人，基本上𠮶时我未公开之前系唔会两个人出去食饭。”敏之讲起TVB也有好多单身笋盘，好似胡定欣、李佳芯（Ali）和唐诗咏。小方表示自己跟诗咏认识了20年，拍《Y2K》年代已认识。而他在16、17岁时已认识定欣，当年她参加TVB的“Cover Girl选举”，小方跟朋友第一次到电视城一厂观看定欣表演，他还即场公开当年二人的一张合照，非常青春！小方强调跟定欣现在只是朋友，入行多年都各有各忙好少联络，被问到他为什么现时不考虑定欣，小方说︰“而家唔系单身就要谂啊嘛？朋友呢个世界唔系男就女㗎啦，唔系个个人都有feel㗎嘛，要追㗎嘛。”不过他没有落闸，他表示︰“缘份嘅嘢就唔定嘅，今日唔系唔代表听日唔系嘅，我唔想讲到咁咩。”

同场加映︰爱妻号张智霖与袁咏仪结婚21年　细数圈中婚姻有20年或以上的艺人