林子博分享染疫经历　两仔爷靠食退烧药好返：高烧咗八日

香港新冠病毒疫情严峻，不少流行病学专家都推断，疫情要到下个月才达到最高峰，举家移民英国曼城的无线娱乐台前主播林子博日前就分享自己早前中过Omicron的经历，希望就此在生理、心理上都希望可以帮到大家。

林子博称染病前，一家三口各人只是打了一针辉瑞：“一个月后，只有我同阿仔中Omicron，阿女冇事。我哋全程有味觉、有嗅觉、呼吸亦正常。卓楠高烧咗两日，瞓醒乜事都冇！而我就发冷、周身骨痛、高烧咗八日。最终两仔爷只系喺家中食退烧药好返！暂时唔觉有后遗症。所以我嘅经历俾我嘅感觉系～年纪越大，病徴越明显，康复时间亦较长！当然，感恩最终能够康复！”

对于为何女儿未有染疫，他至今都不得而知：“最终，我都唔知点解咏渝冇中？我谂～应该同抵抗力有关。无论大家有冇打、又或者想唔想打疫苗？我觉得有啲嘢自己都可以做，例如买啲高剂量嘅维他命C同维他命D每日食，帮自己身体抵抗力打好个底都冇坏！香港嘅朋友，大家要加油呀！”