前《东张》主持林希灵自揭离巢真相：趁未太老想同男友陈安立合作
撰文： 吴子生
出版：更新：
前《东张西望》女主持林希灵因“聋哑女”美华事件直斥女保安“你咁样好冇人性㖞”而一夜爆红，更被誉“大台清泉正义女神”。不过之后，林希灵突然在IG宣布要离开TVB，令网民感到错愕。今日（7/2）林希灵现身粉岭出席北区派福袋送暖慈善活动时接受《香港01》访问说：“其实我喺公司都7年时间，基本上我一返嚟香港就入咗呢间公司，咁我都做咗7年时间，就觉得好似读咗中学课程咁，加上我又满约，就谂不如出去试吓闯一闯，因为再过多五年十年之后，我就冇咁嘅勇气出去闯，所以就把心一横就嚟就嚟啦！”
被问到离开其中一个原因是否想拍剧？林希灵续说：“其实另一样嘢令我要走嘅原因系我想同陈安立合作，因为我同佢拍咗拖都一段时间，而且冇乜机会同场合作，咁所以我觉得趁唔系太老，就想试吓出嚟睇吓有冇机会合作做节目。因为啲人成日讲情侣一齐做嘢，实有机会嘈交。而我就从来都未试过，咁所以我都好想试吓会唔会，因为我哋就算去旅行都未嘈过交，咁所以我都好想触碰佢嘅低线系点，哈哈！因为我哋有时嘈交佢都会先讲对唔住，佢系冇原则，哈哈！”