【有楼万事足．有片】张继聪谢安琪住过大埔村屋：不应同物质挂勾

最近TVB新节目《有楼万事足》中，22岁参加者Seasun一句“有楼有高潮”、“冇楼唔好白撞”、“有楼等于有安全感”等语出惊人的金句，掀起全城观众疯狂讨论。今日《香港01》就揾来一众艺员，睇下他们有何看法。

张继聪

张继聪认为爱情绝对唔可以同物质挂钩，提到当年由700呎村屋搬到现时4000呎豪宅，过程有无辛酸史？阿聪笑言如果要讲，要讲几日。他指如果快乐要同屋企有几大及月入多少做比较，世界唔会咁精彩，幸福系在乎睇下你点去睇呢个世界。

麦明诗

麦明诗就话自己屋企无2000呎，但就好有安全感。咁另一半系咪有楼先有安全感？佢认为若果两个人嘅人工可以足够供楼就已经有安全感。麦明诗直言另一半有无楼绝对唔系交往嘅首要条件，“最重要梗系要专一，因为你有层楼但个人走咗去，都无意思。但有屋企对传统中国社会来说非常重要，而我都好佩服父母好辛苦咁供一层楼返嚟，佢哋咁辛苦绝对唔会帮到我供第二层，所以都系靠自己努力工作啦。”

李佳芯

对于“有楼有高潮”，Ali就话好容易，“如果自己努力工作揾钱买楼，好容易自己满足到自己呢个高潮。”她笑言唔需要另一半有楼有钱，“我只系需要爱就够了，最重要有爱心，啲爱对我系占大部分，咁就够㗎啦。”

陈嘉宝

Anjaylia认为每个人对于安全感定义都不同，笑言自己嘅安全感系由细到大揽住瞓嘅公仔，“楼嘅嘢我一向都无，唔可以话我20几年无安全感㗎嘛。”咁对于另一半系咪有楼先嫁得过？Anjaylia表示最重要是双方有共同价值观，买楼嚟讲都系觉得自己储钱买最好。