杨英伟闹TVB剧集唔贴地：制作部全部50几60岁，唔认识年轻人嘅嘢
于无线（TVB）电视剧《真情》（1995）饰演“林木川（木村）”而为人熟知的资深演员杨英伟，于周三（26日）一集《IT狗》现身惹起话题。他饰演婚礼策划公司老板“乔山河”，与女儿“乔子琳”（张蔓姿饰）不和，靠星之子Tony（Lokman 杨乐文饰演）、阿信（凌文龙饰）等人与女儿和解，却拒绝与他们合作，十分搞笑。
IT狗 | 戏谑TVB《护花危情》撞名钟嘉欣 监制：有啲嘢唔讲咁白啦
上述桥段参考了钟嘉欣、黄宗泽主演的无线（TVB）电视剧《护花危情》。不但照沿用“乔子琳”角色名，“乔山河”更是用与《护花危情》中秦沛饰演“乔江山”和蒋志光饰演的“乔江河”仅差一字。另外桥段又是讲述父女情。
杨英伟为TVB效力16年，演出过不少剧集。他接受《香港01》访问时笑言，收到稿时睇到《大台理论》觉得“好得意”。杨英伟亦曾参演《护花危情》，故一眼就睇出桥段是参考了该剧。
谈及近年TVB剧集频受外界批评，杨英伟认同部分TVB剧集套路陷于公式化，他说：“TVB啲剧本、大台理论，就系讲紧剧集好套路。睇头两集就估到后面系点，唔会有特别讯息，发人深省嘅位，如果有嘅话就唔同啰！但系好多都系几Regular嘅套路。”
杨英伟认为TVB问题在于管理层、制作部老化，他说：“我拍《真情》、《护花危情》、《同事三分亲》，制作部全部50几60岁，年轻人嘅嘢佢哋系唔认识㗎，佢哋系唔知道㗎！”他又澄清并非针对TVB特定人士：“唔系话特别指边个。乐小姐（乐易玲）、珍姐（曾励珍），𠮶啲都系𠮶个Age。”
他用即将于翡翠台上映、由杨茜尧、罗子溢、熊黛林等人主演的电视剧《家族荣耀》作例。虽然《家族荣耀》并非由TVB制作，但他认为，部分TVB剧集题材如《家族荣耀》一样，最大问题是未能与年轻人接轨，他直言：“《家族荣耀》系套好劲嘅剧，又系大有钱佬、尔虞我诈、争夺权力，我扯你尾巴𠮶啲。TVB拍嘅嘢质素唔系差，我间唔中都有睇，例如《金宵大厦》，而家《青春不要脸》，想捉返啲年轻人观众。但系《家族荣耀》啲大有钱佬同年轻人有咩关系呢？”
反观《IT狗》，杨英伟认为ViuTV剧集能引起年轻人共鸣，他谓：“你身边总有两三个人做紧IT。你唔识IT，你一定有兴趣会知，贴身呀嘛！年轻人钟意𠮶个女仔，做观音兵，个女仔同你嘅朋友一齐。与其你用好多人力物力，去拍一啲大家族，你等于3、40年前，我中学啲咩《狂潮》、《家变》、《追族》，咩《强人》，做返呢啲剧。就算大陆都唔系做呢啲剧啦！大陆而好In㗎啦！我睇返《真情》，《真情》点解咁贴地呢？因为《真情》都系你认识嘅人啰！”
另外，杨英伟忆述当初离开是因为演技无从发挥，要说心痛TVB，不如说是心痛整个电视行业，他表示：“我只可以讲，我喺TVB发挥唔到演技。我做咗咁多年，我觉得自己有演技，可以做多好多嘢，但TVB就好定型，佢哋会定型你做某啲角色。同埋喺入面要人哋畀机会，冇得自己主动争取，冇得去Casting。但王维基好好，有得Casting。我可以话《选战》系我最重要嘅一套剧，但唔会再有第二套。”
谈及资深演员现况，他颇感唏嘘，说道：“啲50零、60岁嘅演员，你都见唔到咁多㗎啦，走嘅走、退休嘅退休，好唏嘘㗎。金钱上面唔好靠份工，两年一张约，真系唔安全。”
杨英伟则最欣赏ViuTV愿意起用年轻人，以及团队精神，他表示：“ViuTV一嚟就成班后生仔。佢哋都唔系每套都好好，头两、三年都好多垃圾，有啲剧都唔多人睇，但你见到有个好新鲜嘅角度。同埋我最欣赏嘅系，佢红嘅，唔系陈豪，唔系黄德斌，佢系红一个团队。Mike导系一个团队，花姐喺一个团队。”他又称《IT狗》剧本够创新，“香港开埠以嚟，冇人咁写嘢啰！写𠮶个真系叻。”并称赞《全民造星IV》是近年久违贴近香港民情的综艺节目。
问到对MIRROR印象如何，杨英伟笑言开头不知道MIRROR红透香港半边天，但大赞他们懂得尊重前辈，以及从心而发的谦虚，他说：“有一次上办公室拍𠮶场戏。𠮶时先知（咁红）。大概系3点零，好多Fans送零食嚟，有好多靓嘅牛角包、芝士蛋糕，全部写纸叫Stanley。我拍咗20几30年戏，未见过咁靓嘅下午茶。你喺TVB系食奶茶、三文治，蛋挞㗎咋！Stanley、Lokman都好好，好Nice，佢哋话前辈你食先啦！以佢哋嚟讲，拍嘢唔使对你咁好。”
他又点名赞Stanley有演戏潜质，“虽然得一两场戏，佢好有心机做，佢有内心戏。Lokman就搞笑、玩嘢，而Stanley就少少奸。我几睇好Stanley，佢几似韩剧男主角。做戏最难就系有个感觉，而佢有，佢可以亦正亦邪。”
杨英伟举家移民奥地利 大赞劲宜居：4个半港纸可以买到6个猪仔包