雪姨筹办市集网民扬言杯葛　现场访问档主感忧心：8000蚊租呀大佬

富贵KOL雪姨近日拍片先后点评酒店Ritz-Carlton $688一人份盆菜、及帝京酒店$788二人份盆菜，深水埗基隆茶餐厅$128盆菜，因批评基隆茶餐厅虾肉霉烂，发菜量少，不及Ritz-Carlton质素佳，惹来网民狂轰“黑心”。事件发酵后，雪姨已将片段下架，向基隆茶餐厅致歉及承诺作出补偿，惟仍未能平息众怒。有网民扬言将杯葛雪姨有份筹办一连11日的“大干爹”新年市集，有指档主担心受雪姨影响而爆发退租潮，有份摆档的UFO达人卓飞以“臭X”、“八婆”闹雪姨，更公开表示即使蚀租都会收档。

“大干爹”新年市集于上周五（21日）开始举办，而今日（24日）是第4日。市民须预约入场，每个时段仅可逗留一小时。而今日5点至6点时段未见爆满，但目测现场仍有约50人入场，直至接近6点才见人潮疏落。

市民Jason及KK入场后买了两盒88元的牛轧饼，以行动表示支持市集。Jason坦言疫情下政府取消年宵，活动选择不多，故选择来“大干爹”市集。雪姨事件不影响两人入场意欲，虽然KK认为雪姨应再谨慎考虑言行，但Jason则为雪姨平反道：“虽然佢咁样会引发公关灾难，但佢都系好客观咁讲另一样嘢出嚟，咁所以佢做得好唔好，系好睇个人点睇成件事。”他又认为只是单一事件，雪姨已将片段下架及致歉，作出适当补救，他说：“香港人反应唔好咁大会比较好。网络啲人讲嘢冇后果，唔好对所有嘢要求太高，畀返啲生存空间啲KOL。”他又表示杯葛市集会影响无辜档主，“因为始终佢自己嘅立场，同埋呢度摆摊啲人嘅立场唔同啦！如果因为佢呢件事唔嚟，会令呢度啲小店更加损失惨重。”至于UFO达人卓飞退租，Jason则不以为然：“呢啲大家都蚀，以本伤人嘅嘢，咁佢自己都有成本啰。”

另外，档主Mary坦言雪姨风波“影响点都会有”，但她表示由于上周六、日是假日，人流量一定会较今日多，惟相比上周五，入场人数则没太大分别。但已缴付近8000元租金的她会担心雪姨风波影响生意，“都畀咗8000蚊租㖞大佬！8000蚊对我哋嚟讲都好多，差唔多7900几蚊租，都唔平㗎！”

至于摊档员工Catherine则指，老板得悉雪姨事件后已降低期望，她说：“今朝老细有讲过人流会少啲，因为网上有人发酵咗件事，老细都预咗人流会少好多，所以Target唔使Set得咁高。Target原本礼拜六日想订5000蚊嘅，但系担心少人，所以而家系1500至2000蚊。暂时都未Meet到Target，大概争几百至1000蚊度。”她又感到无奈：“可能佢（雪姨）因为Gimmick咁做，但我哋就承受紧后果。但件事都发生咗，大家只能应急处理。”问是否得悉有退租潮，Mary及Catherine均称暂未见有同场档主退租。

同场加映：ViuTV大台理论｜十个电视剧集老土情节　厕所永远有人偷听

以下立即为大家列出十个电视剧集老土情节，点击下图睇详情：