戴耀明冇返内地吸金做直播带货　呻穷手紧唔知点过年：唯有少出街

戴耀明早前透露返内地帮人带货做直播，单一出场费收入已高Tvb三倍。但因疫情严重，返内地人士需要隔离21天，简接影响本地艺人北上吸金机会。戴耀明今日（24/1）现身电视城出席无线热播剧集《铁拳英雄》宣传造势活动时表示：“因为而家好多商家知道我哋上到去要隔离咁多日，佢哋好多都唔愿意俾咁多日嘅酒店住宿费。咁所以而家佢哋都会揾一啲已经喺内地嘅香港艺人，好少会揾啲喺香港嘅，咁所以我都冇再接上面嘅嘢做。（收入少咗？）哈哈！系呀，所以近排比较手紧少少。（就过年点搞？）哈哈，冇办法，唯有跑多啲山啦，同埋少啲出街，尽量悭住使。”