IT狗︱前财爷曾俊华惊喜客串　大赞对手Lokman好戏：演技好犀利

前财爷曾俊华（John）昨日（14日）惊喜现身ViuTV剧集《IT狗》，并与MIRROR队长杨乐文（Lokman）做对手戏兼摆出手指心心，非常搞笑。曾俊华今日（15日）就在社交平台上载拍摄情况并写着：“好开心可以参与今次嘅电视剧演出。多谢Bowtie同ViuTV促成今次合作。多谢《IT狗》剧组、曾经同我合作过同一齐逛纽约波士顿嘅导演Lawrence Kan、杨乐文、彭秀慧、Martin同我一齐演出呢一幕。Lokman嘅演技好犀利，大家不妨留意一下。《IT狗》系ViuTV嘅原创喜剧，内容讲述IT人为求出路决定自己创业，希望观众睇得开心之余亦会更加留意社会上嘅创科发展，毕竟好嘅创意同科技可以为社会进步带嚟关键性嘅影响。希望香港可以继续孕育更多好嘅创意同科技，支持创科意念坚持，前行。”

导演Lawrence亦在IG上载与曾俊华合照写下二人相识经过，亦感激对方一口答应客串演出：“时间回到2018年，世界未有疫情，地球还未倒转，𠮶次拍摄认识咗曾俊华John同佢太太Lynn。有幸可以跟住佢游历佢嘅大学MIT及Harvard，off camera嘅时候仲倾乜都得。John分享咗好多对香港创科嘅vision，以及香港创科嘅苦与乐。除咗学到好多嘢，我真切感受到佢对香港创科嘅热诚，其实当时已经有创作《IT狗》嘅小念头，不过可以成事都唔易，我话如果有一日真系可以拍得到，一定揾佢客串（唔知佢记唔记得）。到2020-2021年，𠮶一个小念头终于萌芽，其实喺剧本嘅时候已经写咗曾俊华，当时有同事问‘剧本嘅曾俊华？系真系曾俊华？’事隔几年，我都系冒昧message John, 结果依旧亲切嘅John一口答应。多谢Viu TV及Bowtie促成今次呢件事，成日都想好似外国Sit Com咁有呢一类嘅Cameo，呢一集对我来讲特别有意义。”