Edan自认唱歌唔够好听 望能向MC学习：边个唔想样样嘢都好？
《2021年度叱咤乐坛流行榜颁奖典礼》于昨晚（1日）圆满结束，事前与MC张天赋齐齐被视为男新人金奖大热的MIRROR成员Edan吕爵安最后夺得“生力军男歌手”银奖，他事后在Instagram直播时亦不忘大赞MC是个可敬的对手，对方夺金奖绝对实至名归：“因为佢唱歌真系好好听！”
叱咤2021｜Edan吕爵安失落男新人金奖未感失望：MC真系实至名归
叱咤2021｜MC张天赋力压Edan夺新人王 激动大叫 :老窦我得咗喇！
Edan坦言知道叱咤男新人之争成为了近月的焦点，虽然自己和MC的呼声最高，却因此引起网民骂战而甚有感触：“有人会话‘Edan人气高一定系Edan攞啦’、‘MC唱歌好听咁多一定系MC’，但好多呢啲争论就引起好多负面情绪同仇恨喺入面，点解唔可以有多啲爱、多啲支持呢？支持我唔一定唔支持MC，支持MC都唔一定唔支持我唔支持其他人㗎嘛，其实系可以共同进行，只系大家可能有preference同priority，唔代表只可以拣一样嘢去钟意！”
他笑言自己从来没有渴望一定要夺男新人金奖，最后败给MC亦觉得心服口服，完全没有不开心：“真系完全冇（唔开心）嘅，因为有得攞奖已经好开心无论咩颜色，再加上MC攞金奖我觉得完全系实至名归，因为佢唱歌真系好好听！我好欣赏Mike（曾比特）同MC，佢哋真系好叻，我都要keep住向佢哋学习。”
Edan虽然今年以男新人身份推出不少好歌，例如《E先生连环不幸事件》、《小谐星》、《My Apple Pie》及《一表人才》等等，但歌唱实力都同样备受外界质疑，赛前被视作新人金奖大热更令他承受不少压力：“边个唔想做最叻𠮶个？边个唔想样样嘢都好？但呢个世界冇十全其美，一个人唔会每样嘢都好叻。”
他又坦言因曾有过灾难性表演而备受批评，深知自己唱歌实力不足的缺点：“‘感冒歌手’、‘感冒儿童’、‘唱歌好难听’、‘走音’等，我必须承认自己唱歌同好多专业级嘅歌手比有一大段距离，但我都好想可以用live去证明畀大家知，我唱歌都唔系大家所想嘅咁差！”
Edan透露自己正在学唱歌，觉得去年的自己与现时的自己已经很不一样，亦透过种种的经历逼使自己不断去进步：“唱歌冇得一步登天，唯有尽力去做，例如初初我录《E先生》系唱唔到成首歌咁济，唱到后面系会唱唔到！但到而家终于可以完整地唱到成首歌、表达到感情、驾驭到首歌，呢个进步我觉得系收货嘅。”虽然他笑言《E先生》是自己最表现稳定的歌曲，但日前他在新城上的表演却突然失准，令他之后信心大跌：“今晚我系好惊嘅，如果今次又唱得唔好我死得喇，真系俾人笑成世，如果呢啲机会把握得唔好，真系好难令人认同我，好彩今晚我觉得系近期做得最好嘅一次表演，我都松一口气，希望未来可以再唱好啲，若干年后成为到大家都认同嘅歌手！”
点击观看更多Edan直播的画面：