吴若希与《青春本我》女团出席活动：谂返起自己初出道时候
撰文： 吴子生
出版：更新：
吴若希（Jinny) 今日（21/12）连同《青春本我》女团成员现身尖沙咀出席《博爱青年音乐会》记者招待会。面对著一班年青活力女团成员，Jinny不禁想起自己初入行情景：“见到佢哋，谂返起自己初出道嘅时候，同佢哋而家嘅年纪差唔多。而且又会谂起初入行见到嘅所有嘢都觉得好新颖又新奇。咁所以喺每一个阶段都有唔同嘅得着，有自己想做嘅嘢，所以见到佢哋我喺会谂返以前嘅自己。相对地我好享受而家自己要做嘅嘢嘅，因为而家会有更加多清楚嘅目标去做。不过总括嚟讲，我入行真系遇到好多贵人帮我，咁所以我都好希望佢哋班女团都行得顺顺利利。”