东张西望｜模特儿CoCo疑再爆做小三 人夫提分手即自称怀孕兼索赔
撰文： 邝钰莹
出版：更新：
《东张西望》早前曾报导过一单疑似诈骗案，案中陈小姐获好友CoCo邀请投资其台式珍珠奶茶店，但陈小姐支付25万加盟费之后，发现CoCo原来未得到该店的代理经营权。昨晚播出嘅《东张西望》，疑似同一位CoCo又再出现了，不过今次佢嘅对象系已婚L先生。二人嘅缘起于一次商会，L先生表示:“商会好多人都知道我结咗婚，佢有话‘我知你结咗婚，我唔介意，只系想有种拍拖嘅感觉’（咁你哋就一齐咗？）系，可能一时糊涂。”
节目中，亦揾嚟疑似Coco好友去“分析”佢嘅个人喜好:“L先生曾经系佢最爱，已婚与否佢都唔理，最主要系名车、高、靓仔、住豪宅。佢讲过好多次呢啲嘢，点解佢咁钟意L先生？因为佢好似一个TVB明星，翻版Jason(陈智燊)。”L先生表示拍拖4、5个月之后，因为对太太感到内疚而向CoCo提出分手:“同埋我发现佢有好多外债以及官司。”到2020年9月，L先生决断分手时，CoCo表示已怀孕。节目指当时CoCo参加选秀节目，亦以自己同L先生嘅故事用作面试时嘅戏剧表演。节目播出CoCo的录音：“我冇嘢输，我要钱，救唔到铺头我就要另一样嘢，你畀个交代我！”、“我今日一定要钱，我要钱，系你选择用钱解决，唔用钱解决可以，你即刻离婚！”
虽然《东张》未有交次CoCo嘅身份，不过通过“模特儿”、“选秀节目”等提示，与曾《全民造星III》出现嘅袁晴晴(CoCo）身份十分吻合。再睇返袁晴晴IG嘅照片，同《东张》内刊登嘅照片亦都一模一样。而在节目播出后，袁晴晴在限时动态写下“今天才知道，原来人无耻，真的便无敌。公道自在人心。事实真相在我手。”
点击上次疑似COCO做生意同人反面情况：
+6