林芊妤连续四年夺YouTube热门影片　有压力获老公安慰：叫我Quit

撰文： 陈芷颖
出版：更新：

周秀娜（Chrissie）和林芊妤（Coffee）今日（15日）现身海洋公园出席圣诞活动，魔术师甄泽权（Louis Yan）更带来扭计骰魔法，Chrissie与Coffee看得投入大叫神奇。Coffee仔仔“伯伯”亦有到场陪妈妈开工，伯伯企定定给在场传媒拍照，非常乖巧醒目。

周秀娜和Coffee现身海洋公园出席圣诞活动。（周倪莹摄）

Coffee接受《香港01》访问时指因为会场有很多漂亮的圣诞装饰，所以带同仔仔前来参与。她日前在IG上载与仔仔合力装饰圣诞树的影片，Coffee激动表示：“圣诞树系我砌，唔系佢砌。佢见我朋友屋企装饰紧圣诞树，佢都话要，咁我就买返嚟。佢整咗两下就全程喺度食紫菜、望下我，连我助手都睇唔过眼帮我手，我整咗三个钟。”她续指圣诞节会跟仔仔和家人、朋友度过：“带仔仔睇下灯饰，同朋友、屋企人聚会。”

Coffee仔仔“伯伯”亦有到场陪妈妈开工，伯伯企定定给在场传媒拍照，非常乖巧醒目。（周倪莹摄）

Coffee连续四年夺得YouTube十大热门影片奖项，不过却为她带来忧虑：“下年如果攞唔到咁点，开始有啲压力，有啲担心，但我老公顺利将我喺呢个忧虑抽返出嚟。佢同我讲系人都有停落嚟一日，唔需要觉得唔开心或者有压力，佢叫我Quit，去环游世界。（你会继续拍YouTube？）好多人都叫我唔好Quit，好开心咁多人跟我做运动，我唔会Quit，但未必会再咁频密。呢两年觉得咁攰系因为真系冇放过假，系丰收年但都系好攰嘅年份。”