全民造星IV｜Day唔觉“负评王”方方冇人缘：私底下系朋友
撰文： 刘传谦
出版：更新：
《全民造星IV》参赛者Day（许轶）今日现身旺角，与导师许廷铿（Alfred）一同出席活动。首度参与公开活动，Day直言有点紧张：“真系第一次要面对镜头讲咁多嘢，但系今日有Alfred导师喺隔离，佢都好好咁教我。（前一晚有问Alfred？）㖊日冇问，不过呢样嘢Alfred老师之前有私底下讲过，面对传媒嘅时候应该要点做，都有教过我哋面对镜头讲嘢嘅时候应该要点做。”
Day指目前收到的评价和留言都属正面，自己也对得到网民支持非常感恩：“有啲人会dm同我讲，问我辛唔辛苦，叫我加油，我觉得好窝心，暂时收到嘅都系好贴心嘅说话。（有人形容你系“女版姜涛”？）呢个反而唔系咁多，主要都系畀意一啲支持我，觉得好惊喜同开心。”
今晚开展《造星IV》新一轮比赛，成功晋级25强的方方（方芷欣）备受网民抨击。不过私底下，Day不认为方方人缘差，指目前与所有参赛者相处融洽：“私底下我哋都友好，我觉得96位参赛者都系好靓、有实力，大家都好特别。可能镜头前同平时相处上都会有分别，私底下大家都系朋友，互相支持。”