专访｜蔚雨芯弃歌手梦开美容公司拥千万豪宅：我自己物业得一个！
“咩‘马拉男朋友’啊、咩‘魔鬼胸’、身材几多，都系咁印象中，都冇人focus我嘅工作！”现年27岁的蔚雨芯（Rainky）出道九年来，模特儿、歌手、主持各个范畴样样做齐，去年自资开美容公司荣升老板娘后更被传媒封作“娱圈小富婆”。但其实她依然有不少苦恼。近日蔚雨芯凭TVB台庆剧《十月初五的月光》回归小银幕，虽终于得到部分观众的赞赏，但相比演艺事业，外界对蔚雨芯的花边新闻似乎更感兴趣，甚至有人因一些不实报道而批评她、攻击她，令她下决心不再坐视不理默默忍受一切，向作出不实指控的网民出律师信：“如果我永远都系做蔚雨芯畀大家睇，我会好辛苦，其实我暗哑底都系刘蒨桦（蔚雨芯原名）嚟！”
两年前加入TVB由一名跳唱歌手转型成演员，虽然之前都曾经客串拍过几部剧集，但正式担当一个重要角色，今次《十月初五的月光》是第一次：“第一次拍kiss戏，我好紧张，好多人望住，但系前面啲对白好感人，最惊就系前面唔感动一嘢咀埋去会好尴尬，所以我都冇乜点理，好开心一take过！”她所饰演的角色正正就是当年姚乐怡饰演的角色“江依文”，是一个性格反叛、常口不择言，更经常发小姐脾气对人大吼大叫的女生。能不能够超越原作，蔚雨芯坦言没有信心、亦没有期待，但却因该剧对未来充满不少期盼：“以前因为《十月初五的月光》出咗佘诗曼、张智霖，希望今次都可以令我多啲嘢做啦！”
Rainky笑言自己没有太多演戏经验，又没有正式上过戏剧班磨练演技，只能凭自己慢慢摸索出来，比起不少演员输蚀不少，但她认为演戏不一定要学过才叫演戏：“演戏打动唔到自己就打动唔到观众，虽然演技上有好多嘢系要学习，同唱歌学发音一样，但我觉得唔好畀个框框自己演戏一定要系咁演，冇人知演戏系一定要喺老师教嘅框架入面，好多嘢要自己去感受，再去包装过。”提到剧中最难忘的一幕，Rainky二话不说就拣选了她饮醉酒后与郭子豪大吵大闹兼被对方淋水的场面：“佢（郭子豪）泼完水盏灯熄咗，我谂住继续演落去，但子豪即刻嗌停唔敢再畀我演落去，惊会漏电，好彩佢提醒我，如果唔系我都唔知！”她笑言虽然有惊有险，又要再吹干兼再set过妆发，但她觉得该段戏她需要演绎不少情绪转折点，令她特别有更深的感受。
蔚雨芯于2012年以跳唱歌手身份出道加入乐坛，虽然初时成绩不错横扫多个音乐颁奖礼的新人奖，但原来当时的她过得并不快乐：“其实跳唱唔系我话事，系我经理人话事㗎，我最唔钟意嘅就系跳舞！（跳唱歌手）真系唔系好啱我，真系唔系我想做嘅事情，我有出声讲过，但公司有公司嘅立场，师兄又系狄以达同EO2！”她又形容自己是一个比较被动的人不喜欢交际，圈中好友其实来来去去亦只有几个：“佢哋好兴小圈子或者同边个friend，我就好少同圈中人玩，比较少，就算friend都系一两个入行识嘅最真挚嘅几个，初入行最冇机心㗎嘛，𠮶阵识嘅永远都系最真！好多人都话娱乐圈系一个大染缸，睇你嘅心态，同埋睇你系咩人就会吸埋啲咩人。”
正正就是蔚雨芯这种被动而且不擅长将自己的内心展露的性格，令外界对她有不少误解，一在网上搜寻“蔚雨芯”三个字，关键字总是一大堆花边新闻，就连她有份主演的《十月初五的月光》相关报道，焦点都只放在她的千万豪宅上：“好多人都话我晒屋企啲乜，但我都只系喺屋企睇《十月初五的月光》，啲装饰、成间屋嘅装修其实都系好平，都系上网订番嚟，淘宝都有，地毡系赞助，泳池系我屋企嘅会所，咁啱又影到后面啲house（独立屋），好多嘢都好似老屈我咁！（物业）我自己好少咋嘛，得一个！边写得咁多个名啊，印花税畀死人！之后就屋企人，逐个逐个名写，写到冇为止，我仲写咗我保险经纪个名，但佢都有份畀钱，大家一齐试下！”
蔚雨芯表示父母于中国内地经营旅游巴生意，几年前全数放售之后变成物业，故她本来亦相当有家底，鉴于早前有指她突然富贵是因获千亿大马富二代照顾，她直斥“边有咁大只蛤乸随街跳吖！”，对不实指控决定出律师信：“我出得律师信好明显都系真相，想好强硬咁企出嚟交代畀屋企人听。好多嘢都系谣言同恶意嘅中伤，点解释都冇用，呢个世界系你愈好就愈多人会揭你嘅疤或者屈你，但真系唔好伤及屋企人朋友，如果系咁就触犯我底线。我宁愿唔回应，一回应出律师信！我行得正企得正，做事就系这么狠。”
除了得闲拍剧之外，蔚雨芯还是一间美容公司的老板，由起初做网上生意、到于去年开设2000呎办公室，到准备下年开设地舖，短短两年就已经上轨道搞得有声有色，早前周年晚宴更豪花过百万大搞，邀请埋MIRROR成员姜涛做嘉宾。因美容公司老板的身份，令外界对蔚雨芯的外表变化份外受到关注，她笑称深知自己的外表一直备受争议，望落去“胶”都全因P图出事：“我Yes!𠮶个年代入行，自己都觉得样衰！冇理由拎啲15、16岁未发育嘅相话我，又唔识化妆，条眉又戚眉显得个鼻又冇咁高，大眼仔又唔识戴、眼睫毛又唔识痴！而家就冇所谓，我都有P嘅！真人可能冇啲人觉得咁‘胶’啦，但上镜就可能P得太过份，我承认曾经有一排P得好过份，但而家就钟意啲自然啲嘅，咁人系会变嘅。”
至于下一步的目标，乜都有齐的蔚雨芯笑称：“下一步？首先要脱单先！”但其实她最想再实现的梦想是正正就是已经放低了的歌手梦，见到《声梦传奇》及《全民造星》等真人骚爆出愈来愈多乐坛新人，她都知道自己已经没办法再走回头路：“我都系钟意唱歌，但系有一团火系要熄嘅有时，呢个市场唔容许你再咁样继续，我宁愿做多啲理性啲嘅嘢！我唔想唱到40岁都系咁要登台，每人要嘅嘢都唔同，最紧要自己开心，忠于自己，自己可以决定啱自己嘅路！”
点击观看更多精彩专访照片：