全民造星IV｜Marf自爆有睇炎明熹表演　赞对方年纪轻台风劲得恐怖

ViuTV选秀真人骚《全民造星IV》当中的4位参赛者Marf（邱彦筒）、Yoyo（葛绰瑶）、Ivy So（苏雅琳）和Ada仔（姜咏鑫）于周一（6日）一齐出席口罩品牌活动。被指是冠军大热人选的Marf已是第2次出席公开活动，她直认今次比上次多了粉丝到场支持，“多咗啊！好搞笑啊佢哋感觉，因为佢哋好静咁企埋一边，好得意啊！”

Marf邱彦筒自参加比赛以来就一直是最受传媒关注的参赛者之一，更因为发型而被封为“翻版炎明熹”，而炎明熹（Gigi）于前一日接受《香港01》访问时也直认有留意Marf，Gigi当时大方表示︰“有（睇）啊！我觉得佢都非常之犀利，我都有喺网上睇过佢嘅片段，唱歌好听，跳舞又好，想向佢学习！”之后Gigi亦谦虚地补充道：“我觉得每个人都有属于佢自己嘅character，所以我觉得佢并唔系一个翻版炎明熹，系佢自己。”

Marf听到Gigi的回应，立即表现兴奋的“哗！”了一声，又说︰“好开心啊！咁我就爆埋啦，我自己系有上去专登睇佢啲live嘅，因为大家讲完之后，你知啦，大家都overthinking㗎嘛，咁我就喺度睇，我都觉得佢呢个年纪，加埋个台风，系好恐怖嘅件事，好唔balanced嘅，再听埋佢喺台下讲嘢都系，所以好多谢，我返去睇吓个报道先！”

同场加映︰全民造星IV｜10位沧海遗珠参赛者　医护代表Ash、咖喱被out好唔抵