全民造星IV｜被指曾是姜涛中学暗恋对象　Ada仔︰𠮶阵时冇讲过㗎

ViuTV选秀真人骚《全民造星IV》虽然还在播放中，但一班参赛者就已经吸引到大量粉丝追随，且已陆续接广告。当中的4位参赛者Marf（邱彦筒）、Yoyo（葛绰瑶）、Ivy So（苏雅琳）和Ada仔（姜咏鑫）于周一（6日）一齐出席口罩品牌活动。这4人的组合令人感觉新鲜，被问到女团是否已成型，Ada仔说︰“咁又唔可以咁讲，因为始终仲有好多参赛者都好叻，好优秀，同埋我哋而家都系未知数所有嘢都系。”

以往的《造星》参赛者都会表示玩比赛就完全没时间工作和赚钱，且更要“倒贴”去上堂学唱歌等，Marf早前接受传媒访问时亦直言要问家人借钱。现在她们慢慢开始有广告，会否可以帮补一下收入？Yoyo说︰“广告方面都唔系即刻收到钱，哈哈！所以我现阶段都系零收入啊！当然而家系开心，有工作，但暂时呢个阶段都仲系零收入当中，同埋比赛真系会用好多金钱，所以希望迟啲可以再努力啲！回返本！”她续说︰“我系靠积蓄，因为我参加呢个比赛自己已经暂停咗我嘅工作啦，就唔想更加令到屋企人有个负担，所以我尽量都用自己嘅积蓄啰！希望唔好有一日要问佢哋借钱。”

Ivy说︰“其实我都有问佢哋（家人）借钱，其实啲唱歌堂、跳舞堂都系贵嘅，咁我之前都有谂住净系靠自己，但后尾都唔系好掂啊，就开始问佢哋攞钱。”而Marf都好乖女，她说︰“所以其实第一桶金都系畀返晒佢哋㗎咋！”Ivy即刻认同说︰“想快啲有钱交家用！”

另外，有传言指姜涛在中学时期，还是肥仔时，暗恋的女生就是Ada仔，但姜涛已否认过传闻。这天Ada仔亦再有回应道︰“我同佢（姜涛）识啊，其实我同佢识嘅时间就净系喺我form 1𠮶段时间，其实真系好短，喺我form 1之后，佢就转咗校，所以我哋之后都冇再联络，我哋联络嘅时间都系喺学校。（咁佢暗恋嘅人系咪你？）𠮶阵时冇讲过㗎，所以我都唔知！”Ada仔透露姜涛知道她参加比赛亦有跟她打气，“佢（姜涛）好好啊，喺96强入60𠮶日，佢有同我讲加油，跟住我都有即刻覆返佢message话多谢。（会唔会怕变‘姜糖’公敌？）当然有啦，但系我都OK嘅，因为始终佢哋都会好着紧佢嘅感情，或者系生活状况、私人生活，咁我都理解嘅，但系事件澄清咗之后，好多fans都好理智，所以我都OK嘅。”

同场加映︰全民造星IV｜40强IG粉丝排行榜大检阅　排名重新执位Yoyo跌到第4