黎明著住围裙讲急口令　半分钟噏240个字

黎明由四大天王摇身一变成为“关公典范”的进程不需要再多讲，更重要的是黎明因而成为网红，曝光率飙升，月尾将会再于中环海滨举行《One Night Stand》演唱会的黎明最近应该正密锣紧鼓彩排，自初一在Facebook同网民拜年后，就一直消失，直到今日黎明再在Facebook放上短片，并留下一句“原来真系几X快㖞...”，短片在3小时内就已经有18万浏览同近万个like。

片段内容只有珍贵的30秒，黎明全程急口令咁款讲咗一大堆嘢，内容系咩呢，黎明一开始就讲：“时间紧逼，得30秒嘅啫，听唔清楚可以睇多次。”记者好乖咁听咗3-4次终于知道原来是介绍3月13日至4月25日举行的“第13届香港影视娱乐博览”，而黎明在短短30秒中，居然讲了逾240个字，即系1秒讲8个字。

连非常翘口的香港国际影视展、香港国际电影节、香港电影金像奖颁奖典礼、香港亚洲电影投资会、香港亚洲流行音乐节、IFPI香港唱片销量大奖…等等展览，黎明都叻叻猪地零透气位讲晒出嚟。

身为香港的文化艺术一份子的黎明在片中更化身长气阿妈，著住围裙提提大家：“食得街外嘢多，都要食下住家饭啦！”网友见到黎先生似足阿妈咁急口令，都冇嫌佢烦，还追问黎先生“到底花咗几多时间练习”，睇嚟天王连Rap都一样冇难度。