许廷铿心痛梁祖尧因造星死亡名单被闹：必须包容我哋嘅无能同残忍

许廷铿（Alfred）今日（2日）联同林欣彤以及一班《全民造星4》参赛者Marf（邱彦筒）、Win Win（杨安妮）、So Ching（苏芷晴）与Yoyo（葛绰瑶）出席服装品牌开幕礼。昨晚一集被视为大热的咖喱（黄雅慧）因小组败阵而被foul，再加上早前在小组中表现更好的Hannah（陈玉幸）亦同样要40强止步，随即引起网民狠批“死亡名单”赛制不合理，更丧闹导师之一的梁祖尧偏爱某些参赛者，Alfred坦言见到好友无辜成箭靶都非常无奈：“唉，冇㗎，我觉得系冇长胜将军嘅，都冇必定预计到嘅效果，大家要睇长线啲，坦白讲，我作为祖尧嘅好朋友我都唔忍心见到佢，唉，我哋作为导师都有能力上嘅限制，有啲我哋都预计唔到。坦白讲，而家掉转头做番观众我哋都会谂，当时系唔系有啲更加好嘅选择呢？但当下冇任何前设就要去谂呢个死亡名单，必须包容我哋嘅无能同残忍！”

Alfred坦言赛制虽然残忍，但为了避免整体士气低落的情况，排A组死亡名单上的参赛者时只好填下心理状态较强的人：“例如Ika（廖芷嘉），我知道佢嘅心理状态喺佢嘅组入面比较好，我畀呢个责任佢会帮大家一齐顶，唔会冧低然后要人carry，所以我系兵行险着嘅，边个学员强我就相信佢能够带领住队员士气更加好。”幸运的是，Alfred的A组暂时两战全胜，未有死亡名单上的队员被即时淘汰。

不少人气参赛者如Ash（钟卓颖）、阿妹（黄敏荞）、烧卖（曾业乔）都已经被淘汰，虽然现时比赛仍未结束，亦未有正式的女团人选们，对于Alfred导师来说，究竟以实力至上，还是观众缘行先，他有这样的看法：“人气当然（重要）啦，例如Candy（王家晴）、Yoyo甚至Kinki（卢芷韵），佢哋一开始都冇被观众睇好，可能觉得Candy系花瓶啲，但之后佢到后尾揾到自己方向，喜爱度都大增。其实女团嘅人气唔系霎眼娇啊，系要同观众一齐经历一齐成长嘅。”

部分参赛者如方方（方芷欣）、子涓（夏子涓）等等虽然实力兼备，但却似乎未有因此打动网民，甚至在比赛期间一直负评不断，Alfred回否替她们感到不值？“我都明白嘅，但我哋拍摄嘅时候都要撇除呢样嘢，要同其他人一视同仁，佢哋虽然系repeaters但确实佢哋嘅水准系高嘅！因为佢哋之前嘅失败而有嘅决心，呢个力度同其他参赛者系好唔同，所以制度又容许佢哋翻嚟，我作为导师就有责任教好佢哋。”他又点名赞子娟：“我系重新教过佢，搣甩佢《全民造星3》入面嘅学习，你而家喺我手上面，你就系《全民造星4》嘅夏子娟，so far我都觉得佢系喺水准之上。”