林家谦曾受邀上TVB台庆惜档期不合　受前辈草蜢赏识想齐跳森巴舞

歌手林家谦（Terence）今日（23日）出席时装品牌活动。上周六无线（TVB）台庆邀来组合“草蜢”表演，前辈苏智威大赞林家谦歌好听、又多才多艺，林家谦今日接受《香港01》访问时感谢前辈赏识，又表示如果有机会合作，可以试下一齐跳舞：“提起草蜢应该系森巴舞？以前中学好似会跳。”他又透露曾受邀到台庆演出，惜档期不合告吹。

台庆 | 草蜢欣赏后辈林奕匡同林家谦　MIRROR、姜涛个个都钟意

商台“叱咤乐坛流行榜颁奖典礼”开始进行投票，林家谦就话仲未投票，但可能会投给姜涛和好友Tyson Yoshi：“我投会唔会好唔中立㗎。（谂到未？）未谂到，个个都好好。（钟意边个？）谂好先啰！阿姜、Tyson。”至于有没有信心蝉联“我最喜爱男歌手奖”，他坦言一半半：“我又唔可以话冇，一半半啰！我又唔可以妄自菲薄，我觉得胜算唔大啰！”

因拉阔音乐会结缘的林家谦和Tyson Yoshi近来受访时不时有搞笑互动，更被网友凑成CP。林家谦笑言觉得搞笑：“唔知点解同佢啲Chemistry（化学作用）咁大呢，可能佢似我以前啲中学同学啰！佢有搞笑一面。呢个搞笑要对到某种Frequency（频率）嘅搞笑先Click（着）到啰！有时我哋搞𠮶啲笑先得佢明啰！有时其他人都唔明，唔紧要，你明就得㗎啦！（唔怕Tyson女友Christy呷醋？）唔会啩！我听讲Christy都好钟意我哋既互动㖞。（见过Christy未？）见过有次做完嘢，食宵夜？去买嘢食，我见到佢哋，Hi咗。”

即睇林家谦相：