林盛斌Bob自认“小媒人”　唔会乱介绍︰唔系想识边个我就介绍你

现年34岁的无线艺人张秀文（Sammi）日前承认嫁“皮草太子爷”王大业的堂弟王大权（Billy），Sammi在IG出po讲述跟未婚夫的相识经过，她亦特别感谢林盛斌（Bob）做二人的红娘。阿Bob一向有“金牌媒人”之称，他接受《香港01》访问时，笑言自己只是“鸡仔媒人”。

阿Bob否认自己是“金牌媒人”，只是“小媒人”，因为自己认识好多朋友，身边有很多单身的朋友，其实条件也不错，经过平日的相处，了解到他们的为人、喜好等，他说︰“当然你见到成功例子又有Sammi，又有Queenie（朱慧敏），但系其实都有一啲我介绍咗可能唔work，或者even开始咗两、三日，有啲真系拍到拖㗎，我以为又搞掂咗，点知三日之后同我讲，原来大家真系唔掂，work唔到，都会有呢啲情况。咁点解我会咁做，因为我想我身边嘅人开心，如果我觉得我可以喺你爱情，或者家庭呢个成绩表入面帮你提升到嘅，可以令到你进步，咁我觉得都系一个几大嘅恩德。”

阿Bob又透露并不是Billy想主动结识Sammi而希望他“搭路”，他指他撮合的，全部都是他觉得二人有机会发展，所以才介绍他们认识，“即系好似有朋友同我讲‘喂，我想识高Ling（高海宁）’，冇呢啲嘢㗎！唔会㗎！我亦都唔会系你想识边个，我就要介绍边个畀你识，唔会系咁，我而家系做紧一件好事啊嘛，我唔系畀你去沟女啊，都唔会话有个女仔话‘我想识边个有钱佬啊’，唔系！绝对唔系！我一定要了解到大家想要咩人，譬如我识Sammi，我知道Sammi都系一个几乖嘅女仔，唔系成日出街，好多时留喺屋企，呢一种类型，我就会揾一个都系钟意呢一种生活嘅男孩子，咁我就谂到Billy，我就同Billy讲我介绍边个畀你识。”之后又跟Sammi说，互相觉得可以识朋友，阿Bob就找个机会让他们相识。

点击下图睇Sammi嘅靓相︰

同场加映︰Ash被欺凌｜唔少艺人都有悲惨经历　王君馨帮人出头被欺负埋一份