台庆 | 曾志伟满意今晚表现：一路做电话一路震，大家都话好感动

无线（TVB）万千星辉贺台庆昨晚（19日）圆满结束。TVB副总经理曾志伟完骚后，在台上鼓舞一众艺人同事，更颁奖给汪明荃（Liza姐），并指Liza姐系艺员榜样。曾志伟完骚后接受访问，他坦言对今晚好满意，又话很多朋友都告诉他今晚很感动，“一路做，电话都一路震，大家都话好感动。”又表示：“今晚几代表咗我返嚟希望见到嘅TVB。”

今晚担任司仪的陈百祥（阿叻）开玩笑指本来以为曾志伟只会出任3、4个月副总经理，曾志伟笑言：“所以我一定唔会畀佢睇死，我会做4、5个月。返嚟见到好多同事，都系佢哋畀我嘅动力。啱啱分享，我、祖蓝、C君，大家都系艺员出身，我哋都好了解艺员嘅需求、佢哋生命历程。”又指刚刚分享是想鼓励同事不用灰心：“好多国内平台揾我哋合作。所以我同艺员同事分享，我哋好多嘢做。”

有指曾志伟密密揾旧人回巢合作，其中一人是顾纪筠，曾志伟笑指：“都唔敢揾人饮茶，一揾就斟。”但强调希望新旧人一齐合作。

至于公开颁奖畀Liza姐，曾志伟则指：“阿姐系唯一一个喺TVB无间断、冇离开过TVB，工作50周年，所以公司规例原本系餐厅颁奖，但我觉得应该系今晚，一个庄重啲嘅场合，阿姐唔单止服务TVB，仲服务香港市民。精神好适宜艺人学习。”

今晚在头后剃上代表55周年的造型，曾志伟则指比起当年奖门人已经低调咗：“而家呢个职位，唔敢搞得太花。写咗个55就算。”

即睇红地毡美照：

同场加映：TVB台庆2021｜54年以来十套最精品处境剧　口碑至强系边一套？