台庆│张秀文闪婚成焦点　唔抗拒立即“造人”：交畀佢决定啦！

34岁无线（TVB）艺人张秀文（Sammi）日前答应了“皮草大王”王大业堂弟王大维求婚。今晚出席（19日）TVB台庆，满脸甜笑的她接受在场媒体追访，她笑言：“好似自己先系主角咁。”

谈起求婚过程，她透露未婚夫为她准备了只有两人在场的惊喜：“𠮶阵喺屋企，系同Bob拍完节目，佢又问我拍拖拍成点呀？佢好钟意Follow Up㗎嘛。我咪话，冇呀！闹紧交呀！返到屋企食饭，原来佢准备预备咗求婚环节，佢讲咗好多嘢我都唔系好明，又做咗啲魔术，我仲喺度谂，咁得意嘅，搞咁多花臣。佢又预备咗气球、玫瑰花、戒指，原来系求婚。”

她指当刻反应冇爆喊，反而是“呆咗”：“有少少感动，未去到泪流满面。𠮶刻只系呆咗。”但有见未婚夫充满诚意，慎重考虑了一会，才答应他的求婚。

她坦言订婚戒指都有钻石，有相当份量：“好简单嘅款式。我另一半唔系一个好浪漫，系一个好实际嘅人，所以大家唔好咁多幻想。我哋都系一对好普通嘅情侣嚟。但靓嘅。”问到满唔满意，她强调心意更重要：“OK嘅，我收货就得啦。心意嚟嘅。唔好将焦点摆落价值度。”

至于结婚戒指就仲未买，“有上网睇，想拣一对match到我哋Love嘅戒指。”

有指老公年薪有过千万，张秀文就话唔清楚：“我对收入冇好详细调查，我真系冇问。当初识佢都知佢系好有上进心、各方面佢都好努力，有一定经济基础，我都系知咁多，我都冇特别要挖到最底，究竟有几多。”

婚后会唔会做财政大臣，Sammi就话要做贤内助：“唔会想做财政大臣。因为佢好叻呢样嘢，我钱银投资真系差，持家有道就得，即系照顾佢起居饮食，佢日常好琐碎嘅事。”

至于婚后会否摆酒，抑或是旅行结婚，她坦言要看疫情会否减缓才决定。会否立即计划“造人”？她笑指唔会抗拒有小朋友：“我哋冇话好想有，冇话好唔想有。我哋会尝试，缘分嚟，有小朋友都开心嘅。”系咪“今夜不设防”？Sammi则害羞笑言：“交畀佢决定啦！”

同场加映：TVB台庆2021｜54年以来十套最精品处境剧　口碑至强系边一套？