真·女神转身｜余德丞被指借机自肥抽水识女仔：网民话好憎我

余德丞（Dickson)周三（17/11）现身电视城出席无线台庆剧《十月初五的月光》宣传造势活动。对于自己有份度桥主持的J2节目《真·女神转身》首播出街后，随即引起网上热话，有网民直指他度桥与女神贴身互动自肥抽水，而且借节目之名沟女。Dickson就此事接受《香港01》访问时说笑：“哈哈！你而家见到我系咪好憎我？哈哈！其实我都有收到佢哋啲男粉丝都话好憎我，仲话我可以同啲靓女拍节目。咁我都会同佢哋讲，其实都系节目效果嚟啫。但都好彩，原来都有女粉丝都会呷醋我同其他人。咁证明男女粉丝都有睇咁都开心。”

对于被指自肥借机沟女，Dickson笑言：“讲真我有问佢哋攞电话㗎，系因为工作需要，咁先能够沟通得彻底，因为你要明白始终我哋都要埋牙，我嘅意思系埋身接触，哈哈！咁所以都要讲定。加上我哋睇相同出嚟见真人可能会好唔同，咁所以我哋要约见面倾吓偈。（真人同啲相有冇距离？）肯定有距离啦，真人靓好多！真人真系好靓，系呀，系呀！如果大家再追睇嚟去，就会知边个真正系识女仔嘅高手，我真系甘拜下风。”