梅艳芳｜黎燕珊忆梅姐如大家姐豪气 未敢入场睇戏︰唔想心流泪
撰文： 李婉文
出版：更新：
艺人黎燕珊于周日（14日）出席香薰精油学校的开幕活动。现年57岁的珊姐keep得相当好，容光焕发，原来她除了有用精油保养外，每日都有做运动、护肤，她笑言︰“呢两样嘢系走唔甩，紧要过食疗，紧要过拣老公！可能我自己系选美出身，爱靓之人。（咁你有冇拣到身边嘅人啊？）都集中拣呢啲（保养方法）！”
近来传记剧情电影《梅艳芳》上映，讲述已故香港巨星梅艳芳一生的传奇，并向其致敬，珊姐当年未有跟梅姐合作过，但就跟梅爱芳拍过一部电影《舞台姊妹》，不过她当年跟梅姐亦相熟，被问到有没有看《梅艳芳》，珊姐表示不敢看︰“令我谂返好多同阿梅一齐玩嘅嘢，去JJ Disco，同阿Ann（梅爱芳）两姊妹，令我谂返好多唔同岁月片段。我唔敢去睇，因为我唔想心流泪，香港女儿，好多人都好欣赏同埋好怀念佢，觉得佢好似仲喺度咁。（佢系咪真系好豪气？请大家食饭？）大家姐咁啦！食饭？我又唔系好记得，总之我哋成日都系大伙儿一齐，以前Grand Hyatt（君悦酒店）𠮶度有间叫JJ嘅Disco，成日喺𠮶度‘打趸’，同草蜢成班，佢啲徒弟。”
点击下图重温梅姐的风采︰
讲起相识经过，珊姐透露是跟梅爱芳合作完，就开始一班人学打麻雀、一齐跳舞、“落D”，“我哋扮到好似只雀咁，阿Ann结婚，我啲相都仲喺度，阿梅做伴娘。到佢家姐弥留之际，我都有同阿梅倾偈。阿梅𠮶阵时太红啦……阿Ann𠮶时最放不下就系两个仔啦……都好多年前嘅事啦！”
点击下图看电影《梅艳芳》的花絮︰
+10
同场加映︰圈中曾由肥仔怒减磅增肌的8位男艺人 黎耀祥自创粥水减肥法
+18