薛家燕评《造星IV》Honey Bees成员　宣布组男团：以MIRROR为借镜

薛家燕（家燕姐）周六（13日）出席无线（TVB）新游戏节目《麻雀斗室三决一》拜神仪式，谈起自己因工作忙碌已经十多年没有打麻雀，为了拍节目才特意约雀友温故知新。家燕姐相当雀跃地说起游戏规则并非普通的广东牌：“个布景系电动化，有时一碰张台就会转，然后就会见到上家牌，就要睇嘉宾灵活应对记唔记得上家牌，真系几好玩，我估节目出咗街之后会有好多人跟我哋玩呢个游戏。”

家燕姐旗下的少女组合Honey Bees可谓人才辈出，前CLC成员庄锭欣（Elkie）、上届《造星III》殿军云浩影（Cloud）、《声梦》出身的钟柔美等，提起今年亦有高徒坂部佩莎及何榛綦均有参加《造星IV》，她直有留意消息：“我都支持佢哋！因为Honey Bees一定要识唱、跳同演戏，我觉得作为歌手要全能，而呢啲技能系从小栽培嘅。”家燕姐坦言未有时间观看二人的节目演出，不过评价怡人各有千秋：“莎莎跳舞好劲、又识演戏，个人又好搞笑；榛綦自细练声、跳舞劲又靓女，我都有支持鼓励佢哋，有时间都会上网睇佢哋嘅表现。”

全民造星IV｜莎莎做过庄锭欣队友　Honey Bees成员个个都发展好？

家燕姐自言为娱乐圈培养不少人才：“十几年前啲人问我点解要做个家燕妈妈艺术中心，宗旨已经系栽培下一代，始终我自己系童星出身，但当时冇呢啲嘢学，其实演艺方面嘅技艺系要从小培养，都好开心而家桃李满门，见到学生有成就都不枉我嘅心机。”问起家燕姐女团有Honey Bees，会否也有培养男团的想法，她就率先剧透：“有！我用心栽培紧一队叫Super Boy，又系要唱跳劲嘅！（对撼MIRROR？）佢哋都排练咗好耐，唱跳都好劲，真系好出色，唔敢讲话撼MIRROR，一齐学嘢，始终演艺圈要多啲人才，各有各成就，以佢哋为借镜去学习都系一件好事。”

MIRROR御用发型师Lydia靓女过唔少艺人　12子愈来愈型原来全靠佢

MIRROR、ERROR横扫广告界　头50名广告开支最高品牌有13间揾佢哋