林母9500万放售中半山复式豪宅　林作：佢可能想换间劲啲

近日有地产经纪声称持有“林作母亲豪宅”独家代理权，放售林母王莉妮位于麦当劳道98号嘉年大厦的复式单位，又以“靓装”、“巨厅5套房、２二人房”、“连两车位租用权”作卖点，单位实用面积3394呎，叫价9500港元。有网民问“林母都会缺钱？需要卖楼?”呢名地产经纪就回复表示唔太清楚情况，只系知道林母要卖，可能系想换地方住，并有网民提议不如叫林作同裕美买下该单位。

林作现居的单位于2012年以3,500万购入，由母子联名的公司持有，林母其后以6300万买入楼下两个单位用作自住，母子变为楼上楼下的邻居。对于林母放盘一事，林作接受《香港01》访问时就话:“我妈买呢个复式本身系谂系for我结婚、生仔，但而家讲到明唔结婚、唔生仔，如果结婚生仔同而家呢件(裕美)佢仲呕血，所以呢个单位对佢意义已经不大。同埋以我理解，阿妈应该揾紧一啲劲嘅楼盘睇同买，所以佢有可能系楼换楼，换间劲啲，所以应该系真放盘。”林作曾经表示为方便大家照顾，所以唔会同妈妈“分家”，不过，问到妈妈如果放盘成功，会否跟住搬，林作就话：“我好喜欢而家呢区，同埋当初都系我自己揾，所以我唔会走，但阿妈应该都唔会搬太远。”

点击睇下图睇林母复式单位：