神的女主角｜Anson Lo腾鸡挑战天梯：条绳chok到我重要部位

撰文： 邝钰莹
出版：更新：
Anson Lo再一次惊喜现身去支持参赛者。（影片截图)

为招募Anson Lo(卢瀚霆)新歌MV女主角而筹备嘅真人骚节目《神的女主角》，今日（10日）播出一集进行第三轮淘汰 ，四位参赛者嘅两位队友，需要斗快完成双人天梯。而贴心嘅Anson Lo，为咗测试天梯嘅安全程度，特地提到去到拍摄场地亲身上阵。之不过，当佢双脚开始离地之后，已经开始有少少后悔，不停自言自语“点解我会自愿做呢part，到底发生咩事？”、“黐线”之后更唱埋《EGO》定惊，十分之可爱。

话口未完，教主爬上天梯，惊到脚仔软。（影片截图）

爬到上顶之后，天梯其实先算正式开始。虽然节目组全程安排教练陪伴在侧，但魂魄唔见咗一半嘅Anson Lo坚系惊，唔系大叫“求下你帮帮手”、“求下你条绳唔好郁呀”，又或者自我安慰地表示“冷静啲先”。不过好在最后佢都成功踏出第一步，并瞬间完成横越天梯，之后仲好似无事发生咁话：“只要你踏出第一步，之后就好平坦。”不过，当Anson Lo准备重返地面时，佢就有少少尴尬咁话:“条安全绳chok到我重要部位”，教练就好轻松咁话：“男人之痛系咁架啦。”而唔少网民都即时留言表示：“大支嘢系麻烦啲。”

教主大叫“求下你帮帮手”真系好好笑。（影片截图）

Anson Lo玩完天梯之后，并无即时离开，反而系收埋自己，观察四位参赛者嘅表现，叫到有人玩到劲紧张，佢都不禁表示“呢个考验简直系挑战心脏。”见到谭绍仪嘅哥哥极速爬上天梯，Anson Lo就话好似见到刚才嘅自己咁：“好似好快，但其实好惊”。

点选睇更多

+37