P1X3L冇得去《叱咤》　七仙羽冇戥佢哋唔抵：出年有机会

艺人七仙羽（七师傅）和歌手林家谦近日担任米线广告代言人，今日（10日）她出席宣传活动，合照期间突然热情揽实林家谦手臂，仲抢住同林家谦合照，笑到“四万咁口”。林家谦虽然吓亲，但仍然乖乖畀师傅揽住影相。

七师傅接受《香港01》访问时解释，见到家谦十分激动：“今日见到咁好嘅机会，得佢一个人，我梗系要捉实佢。佢喺我旁边，我又捉实佢又摸佢，咁好嘅机会点会放过呢？”

她坦言在后台已同家谦“倾过计、玩过一轮。（玩咩？）你望我、我望你啰！”首次与家谦同台，七师傅大赞他“有才华、个样好艺术家，好单纯又好识著衫，又笑容甜美。面相好。（桃花呢？）好好，你睇我都捉住佢。”她又指冇嘢可以指点家谦：“要佢指点我，我仲浮浮沉沉。”

至于盛传MIRROR下年搞演唱会，问七师傅有冇收到邀请做嘉宾，她否认并说道：“MIRROR系出年呀！”但她随即急忙补充指：“我估㗎咋！”

ViuTV男团“P1X3L”没有出席周一（8日）的《2021叱咤乐坛流行榜颁奖典礼》记者会，三人在IG大呻冇得去记招，十分难受，不少网民都戥佢哋唔抵。曾为他们加持及改名“OMG”，并推出合唱歌《Oh My 7 God》的七师傅则认为，三人下年有得发围；“冇戥（佢哋）唔抵。如果你想入《叱咤》要好多歌派台，要不停播，佢哋始终啲歌唔多。出年啦，慢慢就会有机会。煮饭都要有米，迟早得㗎！我系队长，睇住佢哋㗎嘛！”她又指琴晚出席活动见到“P1X3L”，未见他们有消沉难过。

点击睇三人放负

同场加映：星空下的仁医｜演员中期评核报告　有配角表现劲过郑嘉颖钟嘉欣