卢觅雪同邹凯光嗌交离开商台 13年后首度公开和解：冇咗嘢好耐！
撰文： 邱爱霖
出版：更新：
卢觅雪一连两场处女栋笃笑《雪说笑》昨晚（7日）落幕。期间她谈到当年有老板送她利是以打好关系，希望她能多报道当年仍为新人的张敏，最后她用这封利是请同事食了几日下午茶。
她接受《香港01》访问时坦言隐约记得这封利是约5千蚊：“够间公司食几日㖞！都唔惹小，我边度够胆收，我记得好似系几千蚊！”她坦言当年做娱乐记者时收不少礼物，更收过CHANEL手袋：“当时我收系做人，唔收咪即系同你反台。”至于有否留著该手袋，她坦言应没有，也只用过几次：“我唔好呢味嘢。”
完骚时，她提到香港现况而不禁伤感落泪，她直言因为这场骚是她写给香港的情书，故心怀很大感触，很难不落泪。
2008年卢觅雪在商台节目与另一主持邹凯光（滩叔）争执，其后愤而离开商台。今晚滩叔有到场支持，卢觅雪亦在台上表示已与滩叔和解。她受访时坦言，这是事隔13年后，两人首度公开和解：“冇咗嘢好耐啦！当时08年因为佢离开，呢个系事实，我唔想掩饰，但拍古天乐《金鸡sss》（2014）𠮶阵已经冇嘢，早几年啦！𠮶阵佢系导演，唔通点呀？我话唔拍你部嘢呀，八公，咁？大人嚟㗎嘛，有啲嘢过咗，你明白当时发生紧啲乜嘢，你会识处理自己嘅情绪，（冇再讲过件事？）冇！点会，唔通（话）我唔同你玩呀！细路仔。”