MIRROR三周年︱12子感激粉丝支持　AK：冇大家我哋行唔到嚟呢步

今日（3日）是人气男团MIRROR成军三年的大日子，官方特意举办三场派对与粉丝和好友共度周年纪念日。会场外展出MIRROR三年来多个重要时刻的照片，包括演唱会、拍剧以及在各大颁奖礼夺下的奖项等等。首场的传媒与客户场于下午一时开始，12子一出场即引来哄动，他们亦首次演唱新歌《All In One》炒热全场气氛。

MIRROR接受访问时表示三年时间很快过去，队长Lokman说当中经历了高与低：“有开心、唔开心，但咁先会成就咗今日嘅MIRROR，今日好似好容易但都好宝贵。”副队长AK则感谢家人、朋友和粉丝的体谅和支持：“呢三年返屋企嘅时间愈嚟愈少，多谢屋企人同朋友一直支持我哋，好多谢公司呢三年嘅栽培，冇《全民造星》同大家，我哋都行唔到嚟呢步，亦多谢粉丝、传媒嘅爱戴。”当问到下年会否有机会在红馆开骚时，Lokman则说非常期待可以在更大的舞台与大家见面：“上一个演唱会后，大家知道可能下年会再做时，都会谂下次有咩小组表演好，希望快啲Firm到个档期。”

成员亦有透露最近的工作动向，AK和Lokman说正在筹备开拍新剧，而Edan、Anson Lo与毛舜筠合作的电影已完成一半的拍摄：“好难得嘅经验，可以同前辈合作，系一个好好嘅挑战，希望可以进步。”姜涛歌曲《Dear My Friend,》MV点撃逾千万，“姜糖”送赠星星并以歌名命名，他公开答谢粉丝支持：“好多谢大家买嘅嘢，但唔想大家破费，希望大家继续关注我哋嘅音乐。”另外，Anson Lo早前遇上交通意外，他亦向大家报平安：“㖊日睇完物理治疗，所以好咗好多，大家唔使担心。”

同场加映

MIRROR三周年︱镜粉准备各式各样应援　气球花牌犹如梦幻乐园