全民造星IV︱2号咖哩黄雅慧靓绝医界 放下高薪厚职参赛有原因
撰文： 陈栢宇
出版：更新：
ViuTV选秀真人骚《全民造星IV》今晚（1/11）正式首播，96位参赛者将于使出浑身解数争夺组团出道机会，当中更有不少囡囡先拔头筹，在节目出街之前获得观众关注，例如医生出身的2号参赛者咖哩（黄雅慧）。
全民造星IV｜2号黄雅慧靓绝医学界 曾于玛丽医院实习超受欢迎
+29
全民造星IV︱96位囡囡造型照曝光 10大美少女靓到吓亲网民
+91
现年27岁的咖哩先后到过玛丽医院和屯门医院返工，绝对是靓绝医界的精英分子，但何解会放低高薪厚职参加《全民造星IV》？她前日出席记者会时便向《香港01》记者透露：“最主要系想突破一下自己，因为我以前都钟意唱歌、跳舞，虽然我冇受过专业训练，但系有个机会畀我参加，我又觉得多啲Resources畀我学到多啲嘢，所以我就过嚟呢一度。（放低晒医生工作？）呢一刻系嘅，因为我都要对病人负责，如果我唔可以全副心神去照顾我嘅病人，咁样对个病人唔好，我觉得呢个系尊重我嘅病人嘅一个做法。（本身系咩科医生？）我本身系做内科嘅，不过都系未系专科医生，算系Trainee。”
点击下图观看咖哩出席《造星》记者会靓相：
+5
问家人有否反对她参加《全民造星IV》，咖哩说：“我屋企人好好，肯畀我自己去决定，因为知我系一个大人，有自己嘅人生，为自己嘅选择负责，而我亦都同佢哋讲得清楚、明白，所以佢哋都冇反对我嘅。”嚟得参赛当然视女团出道做目标，但系衰咗点算？咖哩说：“睇下会唔会有机会系两栖发展，唔使Fix死又做返医生，或者成个身浸落演艺行业。（你有咩必杀技？）我嘅必杀技系我个人好低B，哈哈！讲笑，我觉得自己系一个有Character嘅人嚟，唔知大家钟意定唔钟意啦，但系我希望呢一个会系大家记住我嘅地方。”