全民造星IV︱花姐唔在意TVB强阵迎战：姜涛成日问我系咪惊
撰文： 叶诗
出版：更新：
ViuTV选秀真人骚《全民造星IV》将于下周一（1日）播出，节目监制花姐（黄慧君）及女团经理人Wing（戴颖）今日出席记者会，花姐直言现阶段二人就女团人选已经有意见不合的时候：“有时我哋钟意嘅人唔同，𠮶日几乎挈面打交。”最后还是得透过商量解决，花姐亦肯作出让步：“我有时好霸王：‘唔理！我想要！’但𠮶日返屋企谂自己钟意、未必观众钟意，始终女团系Wing负责就交返畀佢。”花姐指二人私下为好友，已经相当习惯彼此的脾性，不会因为公事影响私下感情。
点击下图观看十名是日最Sharp参赛者：
+16
今届《造星》无论是厂景舞台及灯光，三个《前传》MV，加上布景板上逾十个赞助商的名字，都不难看出制作费大大升级，不过花姐就以自己不是管钱为由指不太知情：“因为系另一个监制负责钱。多咗赞助商我好开心系大家有留意ViuTV、睇ViuTV；我记得第一年系好惨，参赛者唔愿意参加因为唔知ViuTV咩料，又揾唔到赞助，即使揾到临开波都走咗佬，所以我希望ViuTV嘅节目会成功，然后更多人钟意呢个台。”Wing续指花姐太谦虚：“真系因为《全民造星》嘅成功！”
节目愈做愈有，来到第四季，花姐自言压力大：“大家会期待参赛者质素同话题性，姜涛成日都问我系咪惊，我反而惊有啲位掌握得唔好会抹杀咗参赛者嘅才华，始终观众会被剪接影响，我每次都好紧张，加上女仔人家会唔会受得住网上抨击。”
提起友台无线（TVB）转阵迎战《造星》，花姐便坦言不太在意：“我做节目从来冇谂过会打人哋、或者人哋打我，纯粹系我觉得𠮶件事好唔好睇，如果因为我嘅节目而改革、或者做一啲节目去打我，其实我某程度系开心，因为观众有更多好节目睇，呢啲先系良性竞争！而家咁高科技，你睇完我再上网睇返佢都得。”