专访｜高层相继离去造成烦恼 曾志伟：我以为好多人同我并肩作战
曾志伟回巢无线已超过半年的时间，作出最大的改变当然是TVB的综艺节目，而曾生自己本身也是综艺主持的巨匠之一，《奖门人》系列深入香港观众心中，但原来他也曾经对此节目有所困惑，更因此决定作出改变。
作为大家的“奖门人”，曾生回巢TVB后首要任务就是改变综艺节目，但随着公司的转变，已不再设有局限，他说：“我自己综艺出身，我同祖蓝返嚟系将TVB综艺尽力做，随住人事变动，所以你见到无端端呢八个月我又升咗职，慢慢我自己返嚟唔剩止要做好综艺。 我最希望将成个TVB一只咁大嘅巨轮，能够用而家呢个年代嘅方法令到佢更快速向前行，呢个先至系我最大嘅任务。”
曾生用东方快车来比喻TVB，“呢架快车系以前嘅年代，而家仲喺欧洲行紧， 只不过外貌冇变，里面嘅嘢已经现代化咗。同样喺TVB，TVB系一个咁大嘅内容平台，有55年嘅存库喺度，有咩电视台喺全世界里面有3千几个员工架呢？其实好值得去保留呢个巨物，咁呢个庞然巨物点能够喺而家呢个年代仲向前行紧，仲希望前领紧呢个地位嘅话呢， 就需要唔同岗位摆返啲啱嘅人，与时并进。呢个系我自己起呢个蓝图，将啱嘅人选摆返喺啱嘅位。”曾生说。找齐人脚，便成为了他现时比较急切的任务。
随着这半年TVB的人事变动，李宝安、余咏珊和杜之克相继离开，曾生表示绝对会有所影响：“当初我以为好多人同我并肩作战，咁多人事变动就变咗唔够人手，系唔够决策嘅人手，以前七人人小组，变咗两、三人小组，好头赤。但系既然系咁唯有接受现实，揾一啲你觉得理想嘅人选返嚟代替，走嘅理念大家相同，我觉得都仍然乐观嘅。”
曾生最为人熟知的综艺节目，一定是《奖门人》系列，不过原来曾经他也质疑过自己，并作出改善，他说：“我自己做奖门人，我以前都系以娱乐性，TVB叫我嚟无论如何星期日做返个好收视嘅综艺节目，多啲人睇，开心嘅，咁奖门人畀多啲奖品大家，玩个节目开心喇。咁我做完第一集之后，发觉出街好多家长拖咗个四、五岁小朋友，唱住歌畀奖门人听，‘数百万当系碎银’，好开心。𠮶时我发觉，点会数百万当系碎银？我点会教啲细蚊仔讲呢啲嘢？唔得！我发觉我自己有问题，第二年我就改咗只歌‘I love you & You love me每个礼拜一次 我爱你’，小朋友应该唱呢啲歌架嘛。呢啲就系我哋做节目之余，我哋要关心，节目变咗老少咸宜，家长就会放心小朋友去睇，因为佢知道我哋系发放正能量畀啲小朋友，佢唔会喺节目学坏。
👇👇👇睇埋曾志伟讲TVB如何看年轻人市场👇👇👇
专访｜比喻TVB中门大开 曾志伟：只要人哋肯上我哋一定畀佢上
专访｜唔要TVB做封闭工厂 曾志伟：塘水滚塘鱼滚嚟滚去都系𠮶班
同场加映：节目巡礼2022｜大合照排位露玄机 周嘉洛陈自瑶上位洪永城稍退后