《劲歌金曲》收视差被Cut剩15分钟？　Eric Kwok：我对得住天地

曾志伟今年年初回归无线（TVB）担任高层后大搞节目改革，长寿音乐节目《劲歌金曲》4月时便改为成一小时节目，不但邀请Eric Kwok（郭伟亮）担任主持，更到黄金时段晚上9点半播出，直接与ViuTV音乐节目《Chill Club》同时段对撼。Eric Kwok今日（26日）出席节目录影时，直言享受这个职位并在半年间学到不少，亦见证无线与三大唱片公司破冰，令乐坛变得更有生气：“情况一定比之前好好多！我成世仔未见过咁多歌手、都认识咗好多新嘅歌手，通常幕后都系匿喺自己屋企作歌。”

虽然改版时声势浩大，但翡翠台版的《劲歌金曲》在23日起却改为逢星期六及日晚上11点播出，每集更只有15分钟播放时间，问到Eric有否预先跟他商议，他否定道：“冇啊，我唔知。我谂好多决定都系睇情况同忽然之间，有佢哋嘅理由但我唔知，始终佢哋要兼顾嘅人太多。（会觉得无线搞好乐坛嘅决心少咗？）一定冇，我觉得佢哋无时无刻都系想令件事再好，只不过而家可能系交接期。”

问起Eric会否因此觉得失落，他说：“我知道点解嘅，但都会尊重番祖蓝（王祖蓝）同奖门人（曾志伟）嘅决定，事实上竞争好大，收视一定睇得好紧，节目调动唔系我可以参与，佢哋会知道咩系最好，我只可以做返点样主持最好睇。（主因系收视？）我唔知，但若然唔系收视我都唔知会系咩，或者嚟紧《劲歌》会有大翻新？不嬲香港人都系偏向睇有娱乐性多啲嘅嘢，如果斋讲音乐就比较难吸引观众，但冇办法，始终要畀观众知乐坛而家发生紧嘅嘢，确实系难嘅，但我对佢哋有信心。”

至于节目被减至15分钟，会否有很多内容无法触及，Eric就指相信此安排只是暂时性，应该不会是长远决定，又指自己没有太大压力：“我对得住天地，对得住主持呢个岗位，有Idea都会同佢哋讲，不过最终决定都系佢哋。”