专访｜唔要TVB做封闭工厂 曾志伟：塘水滚塘鱼滚嚟滚去都系𠮶班
近年TVB在演员方面被讨论得最多的就是青黄不接，无他的，新人虽然在近年得到的机会比起以前多，但若果没有好的导师，盲摸摸地去闯依然是很难去接班。回归TVB后的曾志伟显然也发现这个问题，所以如果帮助新演员提升和如何留住一班好戏之人，便成为了他升任为总经理（节目内容营运）的重要任务。
曾生回巢后，不少艺人都重返TVB这个大家庭，最新一个梁思浩更曾与TVB反面，证明曾生的确有很大的叫座力。对于将来会否更多人回巢TVB，曾生表示：“呢个就睇未来，我希望我哋嘅剧有多啲电影界嘅好戏之人入嚟帮手，带动新人，因为我哋新人系需要一啲好好演技嘅老戏骨带动。我自己演戏我知，我哋同一啲新人会同佢讲唔好咁演，我哋自己以前都错，我新人𠮶时以为咁就系戏，以为眨眉弄眼就系戏，其实唔系，其实唔做先系戏，但系唔做之中你要注意啲乜嘢，以前几想有人同我哋分享呢啲嘢。”
他续说：“但系有冇呢啲人同我哋TVB嘅新人去分享呢？所以我希望未来好多剧都能够加一啲好戏之人落去，否则我哋新人喺TVB红咗，但系红咗之后都系同返我哋TVB人塘水滚塘鱼，滚嚟滚去都系𠮶班。如果有部剧，大家都打醒十二分精神，红姐㖞，影后嚟㖞，红姐点做呀？红姐一望住我就震，咁咪得啰？咁慢慢啲戏就有人见到，我希望呢啲嘢之后会喺TVB发生。”的确，现今TVB的演员很多时只局限于自己电视的剧集，最多就是邵氏的剧集，甚少可以跳上大银幕，跟过往相差甚远。
老戏骨对一个电视台当然重要，除了本身演技有保证，也是一个以老带新的最好方式。不过近年不少甘草绿叶都选择离开TVB，而且都是不欢而散，曾生也留意到这个情况，也决心要杜绝同类事件再发生。“其实好多内政嘢我不方便喺度讲，但我想讲样嘢，我好庆幸我系一个由基层做起嘅人，我亦都系一个演员，我明白演员嘅心态，我返嚟嘅其中一个任务，都系话希望每一个演员都能够爱TVB，即系点解我返嚟呀？因为我爱TVB。点解我爱TVB呢？因为我冇遭遇过大家所遭遇嘅嘢、唔开心嘅事，咁样点将呢啲嘢避免发生呢？呢啲嘢就要慢慢去调整。”
爱TVB当然是其中一个重要的因素，但除了情感之外，有甚么更实际的行动呢？曾生说：“当然，以前一年做咁多个骚，而家少骚咗，TVB就会同你讲减骚，减骚紧系会唔开心喇月薪少咗，但呢啲系会自然出现架㖞，但系我哋点样照顾呢班曾经为TVB立下汗马功劳嘅人呢？咁呢啲要商讨，制度问题，但点都好喇，我希望我返嚟其中一个任务，大家都揾到钱，我希望艺员比以前揾到更多嘅钱。佢揾到钱，佢自然就开心，佢自然就会喺度，以前有好多艺员离开TVB变为仇人，我希望呢件事第日唔会发生。当大家应该拍嘅剧拍到，应该揾到嘅钱揾到，有机会喺出面拍啲嘢，件事慢慢就会好。”
👇👇👇睇埋曾志伟讲TVB如何看年轻人市场👇👇👇
专访｜比喻TVB中门大开 曾志伟：只要人哋肯上我哋一定畀佢上
同场加映：节目巡礼2022｜大合照排位露玄机 周嘉洛陈自瑶上位洪永城稍退后