专访｜无惧网络欺凌强硬反击 曾志伟：竞争系一定有但要公平
曾志伟年头回归无线担任副总经理（综艺、音乐制作及节目），上月尾更再跳一级做总经理（节目内容营运），已成为无线高高层的他也进驻无线电视城的高层办公室，衣著依然亲民，但变得日理万机，见他一个访问接一个访问，不停在办公室走出走入，马不停蹄。记者当然也知道曾生很忙，客套说话也不多讲，第一条问题便单刀直入：“你入嚟TVB点样定义自己成功？”
问题一出口，曾生也不需要太多思考时间，自己理念嘛，他说：“当然第一件事系年轻化，第二亦都需要一样嘢，而家外面做紧咁多嘢，TVB优胜嘅地方喺边度呢？TVB以前咁受欢迎嘅嘢系咩嘢呢？第三就系我哋喺香港咁多观众去睇我哋，有一个乜嘢使命社会责任系我哋要去履行呢？呢啲都系我地未来行紧嘅嘢，亦都代表咗我哋每个岗位嘅人要理解，所以我今次返嚟除咗要揾呢啲人之外，亦都要同大家分享我喺呢个圈几廿年嘅经验同睇法，或者一啲未来TVB应该要走嘅方向，我未必系全啱，我想同大家一齐去商讨，用佢哋新思维，年轻人嘅感觉加我嘅经验。”
年轻市场，一直是曾生回巢后放在口边的项目，也是一系列节目想打入的目标群众，当然成功与否，不是一个短时间可以看到的事，但也是一样要坚持的事，曾生也认同：“呢个一定，未来系年轻人嘛，社会都系一样，一定要年轻化，都系管理层畀我哋嘅任命。只不过系我哋畀一个咩方向佢哋，令佢哋思维同行嘅步伐正确，我就系同佢讲三个宗旨，一做节目不离娱乐性，第二正确资讯，第三正能量，呢三个不能缺少。”
你想打入年轻市场，但TVB近年与香港年青人的矛盾愈来愈深，这种情况又该如何化解呢？曾生说：“当你做嘅嘢关心社会，正确嘅资讯、正能量，我觉得所有嘢系冇偏向任何一样嘢，我剩系做好自己。当你做好自己，观众接收到，佢觉得系啱，咁你自然受欢迎，啲观众就会返嚟，所以冇需要去特登please任何一样嘢，变为左摇右摆，最紧要宗旨系啱 ，决定系冇错。其实做节目都系不离依啲嘢，所以初心系好重要，点解你要做个节目，你要带啲咩讯息。”
换言之，不需要刻意讨好任何一群观众，包括年青人或老年人等等？曾生表示：“我觉得系，你讨好一个群众就会得失另一个群众，咁不如就做返自己，最紧要你行嘅嘢系啱就得架喇， 所以我话我返嚟就系同工作人员分享就系咁解，你只要唔好偏差咗，节目就会成功 ，观众就会返嚟。”
讲到年青人，网民也是其中一群，早前胡鸿钧演唱会被网民发起杯葛，无线报警指无差别欺凌，毋疑又是一场战争，不过曾生有著坚定的信念，更想以此举为香港社会带来改变，他说：“其实俾人喺网络欺凌呢，唔净止TVB。但点解TVB今次做咁大嘅动作呢？我哋TVB唔做边个做呢？俾人欺凌嘅人好多，点解会发生呢？因为你唔发声！TVB就系你做会大家都知，咁咪做啰。如果你都好似普通人咁算喇，算吓算吓就系一直俾人欺凌，所以必须要做，俾人注意社会有呢啲咁嘅事发生至得。我希望社会会正视，其实呢件事系唔健康架嘛，社会应该系公平，竞争系一定有，但要公平竞争，唔需要一啲其他人用一啲欺凌手段去插手做呢件事。”
同场加映：最新视帝分析｜王浩信注定无份 陈展鹏要赢就要问过马国明