专访｜比喻TVB中门大开 曾志伟：只要人哋肯上我哋一定畀佢上
曾志伟同乐坛有甚么关系？相信大家也会打个黑人问号，但自曾生回巢TVB后，一直对音乐节目好重视，先是跟唱片公司破冰，然后落重资源推《声梦传奇》，改革《劲歌金曲》，提拔本地音乐人开《演斗厅》，林林总总的音乐节目都出自他上任后，原来背后有一种革命思维在曾生脑袋中浮现。
“其实我自己都觉得好奇怪，我又唔系歌星，同音乐拉唔埋边，但系我自己一路觉得音乐喺香港有一个好重要嘅地位。我哋以前拍电影大部份演员都系歌手，我哋出外啲人除咗认识我哋电影、TVB之外就系唱歌，好多人学广东话因为广东歌，你话广东歌嘅力量系几大呢？”曾生重视音乐，无非是广东歌其实在华人地区的确有一定的影响力，他以香港的歌手为傲，眼见现今香港乐坛比起以前的确失色不少，所以他回巢TVB后决心要为音乐打出一条新出路。
重返TVB做好音乐节目，除了因为广东歌的传承之外，曾生也自觉TVB亏欠了乐坛，他说：“返嚟TVB做好音乐系我自己一样好想做嘅嘢，所以我第一件事就系破冰，将个门口开启，因为我觉得乐坛走下坡TVB系有一定嘅责任，就系因为好多歌手上唔到嚟打唔到歌，或者上嚟唔系佢想做嘅嘢，所以我第一件就系将呢度门开启，开启之余就系做好多唔同嘅节目。《劲歌》、《演斗厅》、《声梦》都系一个重头嘅嘢，而家慢慢会有更多唔同嘅歌手上嚟唱主题曲，总之就系中门大开，搞好啲个乐坛，呢个就系我自己最想做嘅嘢。”
以前TVB的《劲歌金曲颁奖典礼》经常被指是小圈子选举，事关来来去去都是“星梦”和“英皇”的歌手，但今年与三大唱片公司破冰后，基本上整个乐坛的歌手也可以踏上TVB的舞台，就算是另一个电视台，曾生也不介意“预埋一齐玩”，他说：“我成日都系一句说话，（啲人）开会问‘边个畀唔畀上’，边个畀唔畀上系以前嘅年代，而家系人哋想唔想上。唔该，唔系人哋畀唔畀上，冇咗呢句说话架喇OK？只要人哋肯上，我哋一定畀佢上！做大个饼大家食多啲，唔好话系食咗我个饼，以前个饼够大咁一定食好多，如果做到个饼咁大，分咁多畀你有乜所谓？所以其实千祈唔好做呢个观念，欢迎大家一齐将个电视圈做好，将香港娱乐圈做好，呢个先系最紧要。”
👇👇👇睇埋曾志伟讲TVB如何看年轻人市场👇👇👇
同场加映：节目巡礼2022｜大合照排位露玄机 周嘉洛陈自瑶上位洪永城稍退后