李佳芯再演阿妈角色 儿子由《开心速递》朱凌凌饰演
撰文： 赖家杰
出版：更新：
李佳芯（Ali）今天（18日）出席她主演的新剧《有种好男人》造型活动，剧集未开拍早已有传Ali这次是演一名母亲角色，而剧中儿子年龄设定为17岁，首次拍剧有一个这么大的儿子，Ali在接受《香港01》访问时候回应没有太大的压力：“好得意，每次公司派阿妈角色畀我都唔系咁简单，都有挑战。我觉得今次监制好好，虽然我有一个17岁嘅仔，但造型上唔会特别要大改动，佢同我讲做返自己得。”
Ali为了在演技上演得自然，像真的有一名17岁儿子，她笑言要花一点功夫去改变：“好微妙嘅嘢要调整，有一个咁大嘅仔我一定唔可以有做阿女嘅状态先，同埋应该成熟要稳重返少少，因为剧中个角色性格几得意，有啲聪明，但又不拘小节。”
Ali已经不是首次饰演母亲的角色，有演员常常怕被定形或标签只能演一类角色，Ali坦言没有所谓：“由我第一次做妈妈，我都冇去谂惊定形，反而每套妈妈角色都唔同。同埋依家做妈妈角色冇大家想像中咁，好多母子行出嚟都好似姐弟，所以好多种唔同演绎方法。所以唔担心，只要每次出到嚟最紧要畀到新鲜感自己同观众。”
早多个月前Ali已经积极筹备拍摄微电影，这是她首次担任幕后的工作，同时也会自己主演，Ali表示原来做幕前真的很幸福：“我要开剧之前拍完个微电影，依家对我嚟讲系打仗，微博电已经筹备咗两至三个月，原来幕后真系好辛苦，唔容易要完成一个计划。第一次感受到做制作嘅难处，做幕前系幸福，有人帮你处理晒，但系学到好多嘢。”
点选睇李佳芯百变造型：
+45