朱千雪有留意MIRROR 唔敢答边个最靓仔：唔可以畀我老公听到
撰文： 赖家杰
出版：更新：
艺人朱千雪近年转型做律师，连公开活动都甚少出席，不过今天（12日）她打扮得非常时尚出席时装品牌活动，千雪笑言有接近两年没有出席这类型活动，难得有得赚外快千雪心情相当好：“我除非拍摄，依家好少全身扮得好靓，同埋依家日日工作都比较斯文，所以今日见到大家好开心。”
律师工作时间方面，千雪经常性有跟经理人沟通，因此娱乐圈的工作可以继续发展，她说：“我自己都尽量希望做多啲唔同工作，譬如有嘢拍，我经理人会安排。我谂剧就需要多啲时间，未必应付到，如果要拍都要同公司倾。”
千雪早前与岑杏贤一起庆祝生日，这是岑杏贤刚好坐完月就一起聚会，千雪坦言岑杏贤生完后也未见过她的儿子，但羡慕她现时有这么幸福的生活。提到与老公结婚已有一段日子，何时会有造人计划，她说：“我自己顺其自然，我哋都几享受二人世界，当然有都唔抗拒，但系睇下嚟紧时间安排。”
人气男子组合Mirror人气劲高，连千雪亦有留意，千雪爆常常会听他们的歌：“我好多同事同朋友都留意佢哋，我自己未有时间睇佢哋剧，但佢哋形象好正面，将来有机会同佢哋合作我都唔介意。（有听佢哋歌？）歌系有，我揸车听收音机会听到佢哋嘅歌，都系听佢哋组合歌，但就未分得清边个唱边句。（觉得佢哋好靓仔？）唔可以畀我老公听到，所以我唔答呢个问题。）