苏永康赞乐坛回复生气：女仔嚟讲最亮丽一定系炎明熹

适逢国庆，苏永康今日（1/10）现身红馆出席文艺晚会，献唱《Sol #4》和《没有季节的火花》，虽然是大会安排，但他对今晚选曲相当满意：“今次系我第三次做国庆演出，今次啲歌系咁多次入面最开心，最有阳光气息嘅，好趁今日主题。（今年比较开心？）我谂系因为疫情放松咗啲，先可以有返多啲嘅演出，不过只系舒缓咗啲，大家都唔好放松。今年气氛都好好，例如有体育盛事，香港人都睇得好开心。”

问起对乐坛新势力的看法，苏永康除了觉得乐坛回复生气，也不忘点名赞后辈：“女仔嚟讲最亮丽嘅一定系炎明熹，啱啱都派埋歌添；男仔就肯定系MIRROR，咁多位成员都系。对我嚟讲系好乐见呢个情况，令乐坛可以有新嘅方向发展。同埋依家Star Hall、麦花臣呢啲场馆都好爆，因为唔同歌手都有唔同类型嘅演出，有啲演完可以再演，好似Jay Fung（冯允谦）咁，啱啱开完依家就有得做第二次，大家畀啲心机，乐坛有多啲唔同嘅选择，绝对系好事。”

刚刚9月24日过完54岁生日的苏永康，谈到这段时间的庆祝方法，他指在疫情放缓下吃了4餐生日饭，但也不及儿子的礼物窝心：“最开心系收到仔仔手写畀我嘅生日卡，当然佢系用有限嘅英文字，写咗‘PAPA’、‘240921’，对我嚟讲好有意义，要好好收藏，之后再畀返佢睇。”问到何时再于红馆举行演唱会，他指相当期待，不过具体日子未定。他又透露下月将参与Uncle Ray荣休音乐会的演出，无论当日偏重爵士乐的演出，还是今晚演绎国家的主旋律，都会好好享受。

同场加映：炎明熹获邀上《口水多过浪花》　郑裕玲：你未拍过拖咁点唱情歌？