专访｜Anson Lo勇于求变　学会对成员坦白：好肉麻，但亦好sweet

“自己会好唔确定，亦好惊大家睇唔惯，身边嘅人都有疑问过，但试下啰……”为了这个“试”，Anson Lo感受到前所未有的压力，幸好整个《Megahit》的制作过程中，感受到满满的爱，而MV上架两日逾百万的观看人次，足以证明他试“啱”了。

再次推出新歌，Anson Lo（卢瀚霆）决定以自己最熟悉、最有信心的跳唱风格登场，但不难感受到《Megahit》无论曲风或舞步都跟以往作品有所不同。对于这个“突变”，Anson Lo说是希望能把握每一个机会去呈现不一样的自已。“因为神徒或者观众会较为习惯或熟悉舞台重嘅Anson Lo，所以都有担心大家到底钟唔钟意嘻嘻哈哈、滑稽嘅Anson Lo，身边嘅人都有提出过疑问，所以要突破心理关口其实唔容易。”为了令乐迷斋听都有置身派对的感觉，Anson Lo与音乐监制Edward在正式录音前，花了不少时间找出新的声音。“录完之后听返把声音系超级陌生，自己都有少少顶唔顺，所以呢首歌对我系好大突破。”

初与Wyman交手 由恐惧到舒服

黄伟文去年先后为姜涛、吕爵安执笔填词，今年5月，他在社交平台分享MIRROR演唱会观后感，花姐（黄慧君）趁机为12子争取度身订做歌词的机会。《Megahit》面世的同时却被列为“近10年最难填的歌词”，回想与Wyman的初次接触，Anson Lo除向Edward探听其性格之余，就连开场白到底用Hello抑或Hi都要谂过度过。“一开始系好恐惧，因为对方系大前辈，但相处之后好感受到佢好锡住我，每次录音时遇上歌词部份嘅问题，佢都会不厌其烦、好详尽咁去解释，每个voice message都分几两分钟。”每次推出跳唱歌时，Anson Lo都会预想舞台演绎效果，而他希望《Megahit》能做到与神徒一齐唱、一齐跳，所以对歌词中的“Boom”、“Bang”、“Uh-Oh”甚有执念，继而胆粗粗向Wyman表达自己的想法。“其实我同Wyman今次嘅沟通几呈现到Megahit，就算唔知对方反应，都可以试下问，可能对方会接受呢，今次嘅相处方式我系好舒服。”

消失了的S藏有深层意义

如果有细心品尝《Megahit》MV的话，应该会发现出现过的宣传单张、海报印有“Megahits”的字眼；而Anson Lo亦曾在活动上，预告歌名为《Megahits》。何以“S”最后消失了？ 原来是某人在发表前夕决定丢掉。

“Megahit有两个深层意义，第一个就系Mega-Hit，意即巨大的碰撞，两个性格、价值观完全唔一样嘅人，碰撞起嚟可能会有化学作用出现，所以未必系一件坏事。第二个就系Wyman好想达到嘅目的 --- Megahit会是一首广为人知嘅作品。而我最终决定唔要S，系因为觉得两个人就算几唔一样都好，只要肯沟通，就已经系一TEAM，好团结、好开心。”Anson Lo坦言出道初期，因为性格慢热，所以甚少与人沟通，直到今年开始慢慢减少“官腔”，他说：“我觉得自己变咗，肯讲嘢咗，对身边嘅人更坦白地表达自己感受，呢个都系应用喺MIRROR成员之间嘅相处，有啲咩唔啱就直接讲”

教主唔需要碌人情卡

讲完谜之S，再来讲讲4分钟不到的MV，出现了郑中基、郑欣宜、丽英以及ERROR成员阿Dee。Anson Lo说当初构思完story line后，脑海马上浮现以上阵容，由于与众人未曾在音乐上合作过，所以只能胆粗粗提出邀请。“我出道以嚟都冇咩帮过人，所以冇人情卡可以碌，好多谢大家咁锡我，一问就答应，完全唔考虑到底是否可行、档期是否可以，大家都好好人。”假如有幸再合作，Anson Lo希望在综艺上与丽英交手、在音乐上与欣宜擦出火花。“会想同Ronald前辈在拍电影！因为成日都睇佢嘅作品，另外佢系有一种好独特嘅幽默，连平时讲嘢都散发著，我觉得好有魅力；至于阿Dee，会想同佢拍vlog，因为vlog最大嘅挑战系要将日常嘢拍得好睇，而阿Dee系可以确保每一分每一秒都有事情发生、亦一定比到你最精彩嘅嘢，就好似今次拍《Megahit》，佢每一take都有唔同嘅交效果 ，我喺佢身上都学到好多嘢。”

点击睇教主靓仔照片

摄影：周倪莹

化妆：Circle Chong @Annie G. Chan Makeup Centre

Cori Wong @Annie G. Chan Makeup Centre

发型：Denny Ku @ Chic Private I Salon