Jeffrey想学Anson Lo骚肌拍内衣广告 Edan讲衰嘢：除埋底裤呢？
撰文： 叶诗
出版：更新：
MIRROR成员Edan（吕爵安）近日孖靓仔Jeffrey（魏浚笙）正忙于拍摄ViuTV电视剧《i.Swim》，颜值爆灯的兄弟二人近日晋升时尚品牌宠儿、工作不断，周三（29日）更双双出席品牌限定店活动，吸引数百粉丝撑场，甫出场粉丝已尖叫声不断“靓仔到镜头裂喇”，二人在综艺《胶战》后合作无间，Jeffrey表示见Edan仲多过见屋企人：“好亲切，本身话系孖生哥哥，而家好似变咗亲生哥哥！”随即被Edan提醒孪生哥哥也是亲生的，二人相视而笑。
+13
二人近来为剧集密密操肌，Edan谦虚透露“的确横咗少少”，自己属钢条型身材，未及Jeffrey大只！提起队友Anson Lo（卢瀚霆）昨日发布一张半裸内裤代言照引起镜粉圈动荡，Edan笑言：“平时睇冇咁大只㗎㖞，佢本身都好勤力又好Fit，唔使点样控制饮食都有腹肌，好羡慕佢身材！（想拍同类广告？）有呢个身形我都想，完全唔介意！揾我拍啦！”Jeffrey则谦虚指需要再加操练才可骚肌，Edan随即设陷阱：“如果除埋底裤嘅广告呢？”非常搞笑。