专访丨孔德贤“后生仔”毕业转攻拍剧 自觉未做好靠冯盈盈安慰
无线J2台节目《#后生仔倾吓偈》曾经是该台皇牌节目，不过播出在曾志伟及C君上台的4年后结束。孔德贤（Danny）作为“后生仔1.0”，最节目第一集到告别一集都有参与，日前接受《香港01》访问，他形容“后生仔”身份已经毕业，未来会转换跑道做演员。
公司力捧 有火拍剧
《后生仔》开拍时，Danny仍在理工大学读year 2，节目煞科之后，他在IG写下长文，形容就算拿过万千星辉颁奖典礼最佳节目，后生仔们仍然是nobody，Danny现时以毕业形容今次结束：“后生仔系呢个行业啱啱毕业嘅新鲜人，我哋仲有好多嘢要吸收，出去做嘢仲有好多嘢要学。”比他早“毕业”的麦明诗已转行做律师，Danny初生之犊，心中仍有团火：“我对做戏愈嚟愈有兴趣，本身好钟意睇戏，都冇谂过转行。”
节目见好就收，一班新血适时融入TVB其他范筹，Danny亦得到公司赏识给予拍剧机会，正好圆了他的愿，首次有较重戏份的《把关者们》正在播出，拍剧他仍是初哥，好多事要学却没有紧张，但太在意表现而陷入思考漩涡：“因为系我第一套剧，一嚟就多对白，会谂自己好似做得唔系几好，讲一句对白要望边边先？呢类好小嘅事都会再反思。我都有问冯盈盈，佢话系必经阶段。”
忙到暴瘦：食饭只为生存
机会不止一次，最近Danny第二套剧《廉政追击》亦进行当中，今次对手升级拍住黄宗泽，他大赞前辈：“佢好靓仔，一投入工作就好认真。佢工作好多好忙，又系第一男主角，但佢唔会分心，一喺镜头系就好认真，好值得学习。”又说Bosco在片场中会体恤新人：“NG都会话‘唔紧要唔紧要’，对我哋好多鼓励。”
Danny讲起拍剧就显得兴奋，不过入行初时要读书又要开工，死顶到一度暴瘦：“每日就系温书、考试，饭都冇乜点食。𠮶时我系暴瘦过，食饭好似只系为咗生存咁，每日净系瞓两、三个钟。”结果叠埋心水，宁愿挨到底，俾心机毕业避免retake影响工作。时间管理到出问题，有没有分到时间拍拖？Danny一答就游花园：“咁忙系因为我专心工作，我最近拍《廉政追击》，行程由朝到晚，我都冇谂拍唔拍拖呢啲嘢。”
有经济压力 每月挤出4位数家用
努力得到父母家姐支持，Danny说：“我本身系读工程，呢一科（出路）都好似唔错，但屋企人都好支持我，做到自己开心嘅嘢。”但他承认有经济压力：“自己都钟意买相机、玩具，惟有努力做嘢揾多啲钱。”使还使，家用还是有上缴：“我好乖，每次出粮都会俾家用，4位数字啦，不过个range好大，爹哋妈咪真系好支持我，想去学咩玩咩好支持我。”
大学未毕业就入行，入行4年后又一次“毕业”，Danny希望4年后有点成绩：“我想做一个好好嘅演员，希望大家觉得我会有深度，有一个好好嘅角色可以留下印象，或者可以感动到人。”C君最近成为J2台创意总监，Danny说做演员拍戏是入行的一个目标，如果C君希望他帮手，都会乐意参与。