MIRROR三子旺角快闪粉丝昨晚开始霸靓位　Edan捧蛋糕为Lokman庆生

MIRROR成员吕爵安（Edan ) 、Lokman （杨乐文）与Tiger (邱傲然）今早快闪到旺角朗豪坊出席口罩活动，有粉丝为霸靓位昨晚已到场排队。

三子在Pop-Up Store 内签名及拍照后，Edan突然捧出生日蛋糕，与全场粉丝唱生日歌为本月26日生日嘅Lokman 庆祝。Lokman接受访问时，透露生日愿望除了是身体健康外，亦希望可以去旅行。提到其粉丝头巾兵团近日进行月饼义卖，又将义卖年历收益捐赠予癌症基金，连森美都大赞，Lokman 表示：“其实我不嬲都想佢哋做善事，咁我觉得既然都系送礼物比我，不如帮下啲有需要嘅人，大家都可以享福。另下，好多谢森美大哥同埋咁多DJ朋友都认得我 ，同埋𠮶时成个团气氛都好好，所以好开心，同埋多谢森美、小仪以前照顾我咁多。”问到队长生日，MIRROR成员会有什么行动，Edan在旁笑言等对方请食饭，Lokman闻言后表示无问题，并谓“冇问题，我哋以后逐个争人一餐饭（之前𠮶啲请咁未？）就系因为要等Jer 请咗，我哋先可以开始。（佢𠮶餐都好耐？）系呀，好多时唔系时间问题，系睇想唔想。”

Edan呢日眼肿肿出现，问他是否拍剧太辛苦，他说：“ 系咩？ 其实我昨日放假，可能放假就放肆，所以眼肿肿。套剧未拍完，因为场地问题，延迟咗，所以突然多咗假，可以把握时间休息下。”提到近日有“爵屎”在美国安排了大型流动屏幕车，在美国洛杉矶荷里活著名景点如星光大道无间断播放《小谐星》、《E先生连环不幸事件》及Mirror团歌《Ignited》MV，Edan表示从未想过会有海外应援。“佢哋都有问我意见，我有同佢哋讲唔好嘥咁多钱，所以佢哋选择向善事发展，我开心系做好宣传之余又帮到人，好感激佢哋。”