张致恒过磅超重　否认修改合约要求大J增磅迁就

由钟培生主办的《培生擂台：无敌杯2021 WE ARE CHAMPS 2021》赛事于明日（18日）隆重举行。除了林作和钟培生拳赛瞩目之外，其实还有另一场70公斤级别赛事由张致恒（Steven）迎战知名Youtuber大J亦万众期待。不过在对战前夕大J在网上爆大获指出张致恒疑减磅失败要求改赛制。今日（17/9）张致恒现身九展出席拳赛过磅仪式，得出体重为73.5公斤，距离70公斤仍有少少差距。

对于被指减磅失败，要求大J增磅迁就赛事，Steven表示：“今日我嘅磅数，我系做咗足大会畀我嘅指示嘅体重。（你本身打70公斤级别赛事，而家磅数是合资格？）合唔合资格，你可以话未完全合资格嘅，系会有少少超标嘅，但就冇讲到咁夸张啰。而且我系冇要求任何人去增磅，亦都尽我能力去做好我自己嘅每一部份，亦冇谂过将呢份工作变成政治成份或任何事，但对方系点我就唔知，只知做好我自己就得。（有冇修改过合约？）冇修改过。合约写几多，我就做几多。（磅数未达标会否被罚钱？）呢个我透露唔到住。（酬金能否偿还债务？）呢个我无可奉告。（还清晒钱畀冯镓潆未？）正如佢所讲还晒就还晒啰。”