港姐决赛张学友压阵收视高收27点　曾志伟：多谢佢比市民美好回忆

出炉港姐冠军宋宛颖、亚军梁凯晴、季军邵初及最上镜小姐杨培琳今午在电视城会见传媒，身为副总经理嘅曾志伟亦有出席，并宣布昨晚《香港小姐2021》收视达26.1，而学友的表演环节更高收27.4。

志伟接受访问时以“非常满意”形容港姐骚，并说：“好多朋友都打嚟话好开心、好感动，以前嘅大骚，我完骚后都有留底同工作人员分享，多谢佢哋辛苦咁耐，搞到三点几。”

提到昨晚颁发“最上镜小姐”环节出现的失误，曾志伟目击整个过程后黑面兼即时捉实工作人员检讨，志伟否认黑面，并笑指“当时紧张啫，灯光唔够，我睇彩排时觉得100分，寻晚整体有96、94分。完骚后有即时检讨，因为钱嘉乐啲时间好宝贵，另外嘉洛因为要拍剧，同埋我不嬲都即场检讨嘅，工作人员食饱嘢照唔到肺。”

志伟透露赞大家做得好之余，亦有检讨不足。“见到佢哋突然话要拉长时间，原来有四个佳丽换错衫，系落选咗嘅四位，我同佢哋讲其实可以唔使等，咪即时颁啰，都唔会衰得过你喺度等。寻既丁子朗做得好好，即时兜返、嘟姐有讲其他嘢，陈凯琳都辛苦，因为佢一个人做《We Miss Hong Kong STAY-cation晋级赛》时做得好好，但一上到台嘟姐喺度，佢就有压力，我同佢讲唔使惊，每个司仪都有自己身份，所以寻晚赛后检讨都系讲返有突变嘢时要点处理，大家都错过，所以唔使惊错，错系实有，Live show好处系睇到瑕疵，无瑕疵就系录影啦。”

志伟又透露本身因为怕打风，所以预先录影了学友演出的部分，而打风版本虽然系将最好的镜头剪辑而成，但为保持真实所以决定live 形式进行，问到之后会否再揾学友演出无线节目，他说：“好多谢佢比市民一个美好回忆，（会唔会俾返钱佢？）学友就系因为唔系一个用钱能够打动佢嘅人，个个都唔够佢有钱，你点可以同一个开二百几场演唱会嘅人比呢？同埋佢又做自己喜欢嘅嘢，每次都系问一轮，然后佢“呢个我想做㖞”，咁佢就做架啦，佢一做就唔计较，捆排都比细歌星排得多。”

同场加映泳装环节高清相︰